Versículos bíblicos populares de यूहन्ना 5

Partilhar

मंए तुमन ला फूरोंच में कहथों, जेहर मोर बचन ला माएन के मोर भेजोईया कर ऊपरे बिस्वास करथे, त ओहर अमर जिनगी ला पाथे। ओहर दोसी नई ठहराल जाही, बकिन ओहर मिरतु ला नाएक के, अमर जिनगी में हलेक दारीस हवे।”

ईसू हर ओके ला उहां परल देख के, अऊ ए जाएन के कि ढेरेच दिन ले एकस दसा में हवे, ओके पूछीस, “का तंए ठीक होए बर चाहथस?”

तुमन पबितर किताब ला मन लगाए के पढ़था, काबरकि तुमन सोंचथा कि ओमें अमर जिनगी मिलथे, अऊ एही पबितर किताब हर मोर बारे में गवाही देथे। तबो ले तुमन जिनगी पाए बर, मोर जग आए बर नई चाहथा।

ईसू हर ओकर जग कहीस, “उठ, अऊ अपन डसना ला उठा अऊ रेंग बूल।” त ओहर तुरतेंच ठीक होए गईस, अऊ अपन डसना ला उठाए के रेंगे बूले लागीस। (ओ दिन हर पबितर दिन रहीस)

तेकर ईसू हर ओमन जग कहीस, “मंए तुमन ला फूरोंच में कहथों, मंए परमेस्वर कर बेटा, अपन-आप ले कांही नई कएर सकों, सिरीप ओही ला करथों, जेला मोर दाऊ ला करत देखथों, काबरकि जे-जे काम ला मोर दाऊ हर करथे, ओ काम ला बेटोच हर ओहीच कस करथे।