Versículos bíblicos populares de मत्‍तयाल 10

Partilhar

हुळाट, तोडेल्‍लिन लोप्पो गोर्रेन लोहताप नना मीकुन लोहचंतन, इंचि मिमेट तरासुनलेसीं जेगर्ता आनि पावरेम पिट्‍टेनलेसीं इमानदार मंटु.

बोर अय्ते ओना जीवातुन पिसागोटालय हूळांतोर, ओर ओना जीवातुन पोगोटकुंतोर. बोर ओना जीवातुन नावाहाटीं पोगोटंतोर, ओन्क जीवा दोर्कंता.

बोर अय्ते मीवा मेंदुल्तुन हव्का परांतुर गानि मी आत्मातुन हव्का परुर ओर्क मिमेट वेरियमट. गानि बोर अय्ते मेंदुल्तुन आनि आत्मातुन नरकमते वाट्‍सि नासडेम किया परांतोर ओन्‍के वेरियट.

बोर अय्ते ओना सतता क्रुस पीसि नावा पज्जो वायोन इंतोर, ओरगुडा नावा सिस्युड आयनलायक हिल्‍लोर.

बोर अय्ते लोकुल्‍कुना मुन्‍ने नाकुन एरपाट कींतन इंचि ओप्‍कुंतोरो, ओन ननागुडा स्वर्गमते मनना पेनबाबाना मुन्‍ने नावा सिस्युड इंचि ओप्‍कुंतन. गानि बोर अय्ते लोकुल्‍कुना मुन्‍ने नाकुन एरपाट किय्योन इंतोरो, ननागुडा ओन नावा स्वर्गमते मनना पेनबाबाना मुन्‍ने एरपाट किय्योन इंतन.

रोगाल्‍कुन बेस कीम्‍टु, हातोर्कुंक जीवा अरहट, कुस्‍टरोगम आतोर्कुन बेस कीम्‍टु, देय्याल्कुन गेदमिसिम्टु. मीकु ई हक्‍कु पुक्‍कटते दोर्कुता इंचि मिमेट इंका इसोंटा सेवा पुक्‍कटते कीम्‍टु.

अदुनहाटीं वेरियमट! पेनदा मुन्‍ने मिमेट वेल्‍लेन कोळ्‍का पिट्‍टेंकन्‍ना बच्‍चोरो विल्‍वा मत्‍तोर आंदिर.

नना इद बूमिपोर्रो सांति हियालय वातन इंचि इनकुनमट. मर्रिनद बाबोनतोनि अर्राकोंटा, मिय्‍याटद तल्‍लुनतोनि अर्राकोंटा आनि कोळियाटद पोरळतोनि अर्राकोंटा कियालय नना वातन. इंचि नना सांति हियालय आयो गानि ओर्कुन वेरे-वेरे कियालय वातन.