Versículos bíblicos populares de Matyu 28

Partilhar

Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine. E umaparere isak ma tini wan ka pula keniye ka ngawai dagar ke umu ine. E ma ngadong kap umu e ngalua umu aling aling la lama taklak ane yagos.”

E Yesus polou olwo boto ke isak e wai ke isak langane. “Ida Tapolngon kar arit ka pula keniye ke ngong ma ngaplau wan ka omur heven ina e wan ka taklak ina blang.

E ensel wai ke apmang orwo langane. “Umelim kovok kesua ngaile umekrim Yesus ka tinilim iye ke ina akai. E iye dong ane kovok kesua iye poga tito ke ina denga kodong eriar langka oglou iye wai ine. Umomo e umavati omur ka iye munu ine.

Deka Yesus wai ke isak langane. “Umelim kovok e umala umapalongo lou osua ma isak kla ke omur Galili e ma tivati ngong ari.”

Deka tiduni pulu kap osep namormor e tilalo pelengon e tikar mani gesa ke osep ola ina tonari. E tiwai ke isak langane. “Umawai ke osep langane. ‘Ila disaipel time ke epmes e tidue pampamu ine alo ka imomunu kudung.’ E langka gute ka vri mgo ke osep Rom ina ke omur ane klingen ke elio ane ma imawai ke iye e imomosi pelengon ine ma wan gesa polou ke umu kovok.” Deka osep ola ina tidue mani tonari e tidue eriar langka osep tiwai ine. E basikngen ane kes lila ke osep Yuda ina la lama oku ane iye dau dong.