Versículos bíblicos populares de Matyu 18

Partilhar

Kesua alo ka osep orwo eklu langane tiduni pulu ke angain ngong ma ngadong airavu ke isak.”

“E ngawai blang langane. Langka osep orwo eklu langane ke umu aitno lumu kene pulu e umepmi Ida Tapolngon ke wan gesa io Livou ka dong ke omur heven ma due.

E Yesus gi ke agau kene e due dong airavu ke isak. Deka iye wai ke isak langane. “Ngawai lokono ke umu langane. Langka umabauluk aitno lumu e aitno lumu tipolou langka agau ane kovok umakaranga umesep ke omur ka Ida Tapolngon plaue kovok.

Gute sei ka pes iye tona langka agau ane iye mgo ke omur heven ka Ida Tapolngon plaue.

E gute sei ka aitno mter ke ngong e aitno itau ke agau langka agau ane aitno itau ke ngong blang.

“E ngawai ke umu langane. Wan ka umadangdange ke taklak ma Ida Tapolngon dangdange ke omur heven e wan ka umosongone ke taklak ma Ida Tapolngon songone ke omur heven.”

Deka Yesus wai langane. “Livou ka dong ke omur heven ma due elio eriar langane ke umu langka lokono umasak elio soulu ka lumu osua tidue ke umu kovok.”

E gute sei ka due agau ka aitno dagar ke ngong ma iye songon aitno ila dagar deka langka osep tipou opmu ka anit ke agune e tiuri iye ke aki e iye unim ma mete are itau. E langka osep tidue elio langane dau elio ane mole Ida Tapolngon aitno ila engil ke gute tonari kovok. Aurou. Ida Tapolngon aitno dau engil ke iye.”

“Aitno lumu mter itau ke lou pelengon ane. Langka gute ila sipsip bunokene dong e kene vala lila la. Ma iye due sua? Ma iye songon sipsip 99 tidong ke gigri galna e la krim ke kene ka imina la i?