Versículos bíblicos populares de Matìyò 6

Partilhar

Iyiə isə sə yə ghà kwuni kwu ani zəŋi à də̀ ani kaw kəli fyi kə dzə̀ yəə Zə̀kìy saʼa nəniy ate nə̀ ayiə yə̀ Zə̀kìy liə nəniy nə̀ ghà si faʼa, ù kî nyə̀ mà bə̀ ghà nə̀ ùfyiə ù liy wə ùdzə̀m.

À yu də ighe mə dziy nə̀ ghà kə isə yiy na dzə̀ anə ayiə tsutsu yiy, ghà na tsə kə ìsə anə ayiə zii yiy aŋwòə tsutsu kwu sòʼò ani bù nə̀ ayiə we yiy.

“À yù də̀ ighe mə dzîy bə̂ nəniy â ghà nə̀ ghà kə fyimi dzə̀ ìwee nəli yiy kwùmə̀ yə̀ nə̀ fyiə kə ghà kî nyiə moo kə̀ ku ghà kî muə, moo fyimə ìwee nəli nə̀ ghà kî sì dzə̀ŋə̀ kìə̀ anə iwè yəə à də̀ təndzwu. Imuə̀ ghii yiy we tsìy fyi ŋwô ufânyiə wiy ə, uwe wiy tsìy fyi soʼò nəniy ndzwu tiy ə?

Abu wò dziy gwuŋì, wò ə tsìy nyi yə̀ anə foŋə̀ ndaw yiə̀ nə̀ noŋə̀ wò, fè bə̀ kə̀bàʼ, gwùŋì yə̀ â təli yiə̀ an-a-nù. Təli yiə̀ kwu ŋwô fyiə kə wò zəŋə nəniy an-a-nù, à də̌ we ù kì nyìə̀ wô nə̀ namə kiy.

Abu ghà gwuŋə̀, ghǎ dzìy tsə nə̀, “A təli ghələ an-a-vələ, ghè gwuŋə̀ nə̀ aghê nyiə̀ mə̀ŋkwiʼi anə izəd yiə̀. Ghè gwuŋə̀ sòʼò nə̀ wò bû saʼ muə̀ tə aghè àdzə̀m. Zəŋi tsə nə̀ aghê si zəŋə yəə ayiə yə wò tsə̀m tsə nəniy nə̀ a doʼò fə̀ an-a-mbvə̀dintsə ighəd yiə i də nəniy ate an-a-vələ.

Kə̀lə â wò, nyìə bə̀ ghəd nə̀ ùfànyiə wə u kpe doʼò nəniy â ghə̀d ani nyi zii.

Nǐyzə̀ àyiə ghələ àbɛbə yiy, anə yiə yə ghè nîyzə̀ə̀ nəniy ayiə àbɛbə yə aghê zəŋə nəniy nə̀ ghə̀d.

Kə̀ bɛmə dzə̀ nə̀ ghè zəŋi ibɛb abu imwâmkòʼ yìy bû nəniy, i kwunə bii fyiə ŋwo bə̂ kə ghəd abu Satàn mwàmə̀koʼò ghəd nə̀ ghè zəŋi ibɛb.”

Abu wò nìyzə̀ ŋwò yə̂ ìbɛb yə aghê liy yiy zəŋi bə̂ azoŋə̀ wò, Təli yiə̀ wə̀ ù də nəniy an-a-vələ, kî nìyzə̀ sòʼò àyiə àbɛbə yiə̀ yə̀ wò zəŋə nəniy.

Ghà kòʼ tsə ŋwùni mə ìn zəə tsîy nəniy idoŋ, ìn ze dzə̀ wày ufyiə wiy, kpìy sòʼò wày ufyiə wiy nia anə mənta. À namə̀ yèmə̀ kə təli ghi wə ù də nəniy anə Kəvələ azòŋə̀ ŋwùni mə̀ ghà mə̀, Ghǎ kə̀ tsìy fyi nəway ŋwùni mə̀ ghà mə̀ ə̀?

Kəə ghà nə̀ zəŋə dzə̂ nə̀ ghà ki niy ufyiə ghii wiy ghà nûw na fə an-a-mbvə̀dintsə, anə lòʼò kə ususoʼo wiy də ani fwu ŋwò kə, moo u də nəniy ani dzè, moo aghê tsoŋə yiy də ani bwàlì nyi yə̀ ghu tsoŋ ŋwô kə. Ghà kwuni zəŋi tsə nə̀ ufyiə wə̀ ghà kwu nəniy, u si də an-a-vələ anə lòʼò kə ususoʼo wiy də wày ani fwu ŋwò, moo u də wày ani dzè, moo loʼo kə aghê tsoŋə də wày ani bwàlì tsìy nyi tsoŋ ŋwò kə. Fòŋ ə̀ wù taw də̀ kə a lòʼo kə ufyiə u we ùsoŋə̀ wìy də nəniy ate.

“Wù lìy wày dzə ani dòʼò wè kə̀fàʼ awò nə̀ mwe ufàʼ àbè, ù də̀ ani liə yəə ù lìy, bà ù lìy wə̀, moo ù ki bvamə faʼa awò ù lìy kwunə kòʼò kè ù lìy wə̀. Wò wày dzə ani fwùlì Kə̀zə̀, wò ki fwulə soʼo ùkhiy wiy nyi mòʼ.”

À də Kəzə̀ kə zəŋə nə̀ uzu wə̀ si mwaa dzwabə. Uzuu wə ŋgà koʼò tsə zii, abù tsutsu, ghu pìə̀ màʼà kə anə intsə nə̀ u mə zwum. Zə̀kiy kî yèmə̀ tsìy fyiə ŋwò azoŋə̀ ghà, ù kaw nyə̀ ghà nə̀ ndzwu tiy. Ghà kwu nyòŋə fə ibɛmə.

Abu wò kwuni fây nəniy wù wə̀ ù làʼa, kə̀ zəŋə dzə̀ nə̀ wù wə̀ ù dòʼò nìày tsə a sə̀ə̀ wò nə̀ ù tòʼò kəli tsə ayiə yə wò zəŋi. Abu wò zəŋi nəniy ghi, à ghî də̌ nə̀ wò dè dzə̀ wày uwe wiy. Təli yiə̀ wə̀ ù kòʼò nəniy ayiə yə wò zəŋə an-a-nù, ù kî nyə̀ wò nə̀ namə kiy.

Ghà nîy tsə iyɛmì, kəə ghà nə̀ zəŋə dzə̂ ayiə yə a də nəniy tsitsi anə sə k-a-zə̀ nə̀ aghê si toʼo koʼo bə dzìy nə̀ ghà də aghê àdzoŋə̀ yìy. Abu ghà zəŋə nəniy aghii, ghà ki də kə̀ kəli nəway namə kə kə ŋwô bə̂ nəniy awò təli ghii wə ù də nəniy an-a-vələ.

Abu ghà bamə nəniy idzwə yiy kəə ghǎ nì kwè nia fyiə tswi bə̂ dzə̂ utwumusə wiy anə yiə yə ŋwam tə aghù tìy zəŋə nəniy. Ghu ghî zəŋə nə̀ aghê dzə̀m si koʼo kyilə bəə nə̀ ghu bamə àdzwə. Mə ndzəmə̀ dzìy bə̀ ŋwò â ghà nə̀, abu ghu zəŋi nəniy ghi, ghu mə ghî kəli təŋ namə kə ghu kiy. Abu ghà dziy bam idzwə, sǔw tsə nə ntwùmə̀sə miy ghǎ kyili kə nə̀ mbvumiy, sə̀àʼì dzwàb kə sòʼò kə̀tuw. Tə̀ kəə aghê nə̀ kyilə nə̀ ghà bamə ìdzwə. À kì kyilə tsə kə Təli ghi wə ù də an-a-vələ, aghê də kòʼò wày, à də̌ we ù kìy niamə gha.