Versículos bíblicos populares de Mataayo 3

Partilhar

Mbe, mukörë amaköri ghano ghakwërëki kubha, motuukuuniri amasari ghaanyu.

Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”

Hano Yesu abhatiisuru na kohoroka mo‑rooche, mööhi, hayo hayo erishaaro reghiighoka, akarighi Akörö e Ryobha eriika kinya egheghuuti na ghwikara ighoro yaache!

“Eni nekobhabhatiisa kwo manche kwërëki kubha motuukuuniri amasari ghaanyu. Amare uno akuucha anyuma yaane, iwe nakobhabhatiisa gho Körö Ahörëëru na kwo mororo. Omooto uyo naanyi na changuru ghonkera, koru nteekurëngʼaanera ghughëgha ebhekwera bheeche.

Ahaache nimariri ghotooru mo‑matina gha mete. Omote wowoose uno otaaghusönga amakorobhese amachömu nokonungu na kurëkëru mo‑mororo.

Yohana uyo niwe uno asiikiiru no omurööti Isaaya kubha, “Eriiraka re mooto ndekobherekera mwibhara rerabhugha, ‘Mukörë anchëra e Mutëmi, mughöröröki chanchëra chino akohetera.’”