Versículos bíblicos populares de Génesis 9

Partilhar

Ha Ñanderuete he’i: Che amoĩta peteĩ techaukaha (señal), chéve ha peẽme g̃uarã ha mayma oikovéva penendivépe g̃uarã, ára atyguasukuéra rupi. Che jy’y (árco de Noe) amoĩta arai rehe, ha pévata che ñe’ẽ ame’ẽmava peẽme techaukaha ramo, Che ha ko yvy ndive g̃uarã.

Upe jy’y oĩta arai rehe, ha ahecha vove chemandu’áta che ñe’ẽme’ẽ rehe ame’ẽmava’ekue opaite yvyariguápe g̃uarã.

Upe oñohẽva hapicha ruguy, huguy oñeñohẽ jevyva’erã avei ambue hapicha po rupi, kuimba’e ha kuña ojejapógui pende Ruete ra’ãngáicha.

Ñanderuete ohovasa Noe ha ita’yrakuérape, ha he’i ichupekuéra: Peñemoña ha peñemboheta, pemyenyhẽ meve ko yvy.

Opaite mba’e omýiva ha oikóva guive, peiporúta pene rembi’urã ramo; ha péicha avei umi ka’avo hovyũva guive, ame’ẽmba peẽme pene rembi’urã ramo.

Yvy ape árigua mymbakuéra oñemondýi ha okyhyjéta pendehegui; ha mayma guyra árare ovevéva, ha opaite mba’e omýiva guive yvy apére ha pirakuéra yguasúpe oĩva, opytapáta pende poguýpe.

Peẽ peñemoña ha peñemboheta pemyenyhẽ meve yvy ape tuichakue.