Versículos bíblicos populares de Matiyu 6

Partilhar

Sangkon pakutuun bi na meꞌ bi mmeꞌ ni pamarinta Tuhan maka akigun bi kaintongan Tuhan. Basta ina inaa numbul satu ningkaam, malaingkan Tuhan sa muwanan kaam mimon ma kagunahan ningkaam.

Sangkon, daa na kam hanggaw ni hāl ma inabut meꞌ bi sumawung. Saddong na siga problema ma luu ni llaw tuu, san daa na sampunan bi.”

“Sangkon, daa na kam hanggaw ni hāl meꞌ bi llum, meꞌ sapantun hāl kinakan ka inuman sampay pamakoy bi. Pagka ina Tuhan bay muwanan kaam napas ka baran, labi na baw bong sat kinakan ka pamakoy saꞌ tapamuwan na.

Arapun bila kam maku duwaa, pilay kam pa jawom bilik bi maka tambohun bi lawang gantaꞌ yaꞌ takita meꞌ jama. Batan minsan ina yaꞌ tasayu jama, takita du sina meꞌ Mmaꞌ bi ma yaꞌ takita. Maka iya sa nungbasan kaam.

Bila kam maku duwaa pa Tuhan, meꞌ tuu hantang na, yuk bi, ‘Tuhan, Mmaꞌ kami ni sulgaꞌ, kamura-murahan pinaehe na pin awon nu meꞌ jama sikamimon. Kamura-murahan lillaꞌ na mimon manusiyaꞌ ni pamarinta nu supaya kahandak nu jaꞌ pinabuwat ni junyaꞌ meꞌ ndooy du ni sulgaꞌ.

Kamura-murahan buwanan nu na pin kami balanjaꞌ llaw pa dangallaw.

Maka ampunun doꞌ kami ni dusa kami batan lay na du kami ngampun sagannap ma dusahan ningkami.

Maku kami tabang ningkau mari kami yaꞌ takoleꞌ meꞌ siga sasat seytan. Batan kau du magbayaꞌ ni mimon-mimon, Sangat Kawasa ma pinudji saumu-umu. Amin.’ ”

Pag-anu, yuk si Isa lagi, “Bong ina kam ngampun jama ma dusahan ningkaam, inampun du sina kam meꞌ Mmaꞌ bi ni sulgaꞌ.

Pamintangan bi na ga manuk-manuk. Yaꞌ sila pandoy tanom ka ngattom sampay ngannaꞌ balanjaꞌ njawom buriga, malaingkan binalanjaan du sila meꞌ Mmaꞌ bi ni sulgaꞌ. Na bong sila binalanjaan, labi na baw kaam saꞌ binalanjaan salawak-lawak ehe hagaꞌ bi man ga manuk-manuk.

Pag-anu, yuk si Isa lagi, “Daa kam ngumpohan dī bi altaꞌ ntuu ni junyaꞌ, batan altaꞌ ni junyaꞌ ina tapakaat lagi meꞌ mananap maka ginahaꞌ, boꞌ tatangkaw lagi. Arapun buwat kam kaayaran ma nulut ni kahandak Tuhan. Meꞌ looy ilay sibuꞌ du kam ka ngumpo altaꞌ ni sulgaꞌ. Boꞌ altaꞌ ni sulgaꞌ ina, mastiꞌ yaꞌ tapakaat meꞌ mananap maka yaꞌ kuhi ginahaꞌ. Boꞌ na, yaꞌ lagi tatangkaw meꞌ sugaru. Indanan bi, nnoy-nnoy ina man altaꞌ bi, ndooy du atay bi.”

Yuk si Isa lagi, “Yaꞌ sina luu ata kaintu duwa papuꞌ, batan disu kaasean na, kuwan ilooy disu, niyaꞌ. Atawa disu pinaruli meꞌ na, kuwan ilooy disu, pabiya na jaꞌ. Damikiyan, yaꞌ du sina kam kaisbat Tuhan haboy ka altaꞌ.

Na bong katumbu-tumbuhan ma dari jaꞌ llabas sumawung sampay tinunu tapamakoyan meꞌ Tuhan ka sumping-sumping, kaam palagi saꞌ binuwanan pamakoy meꞌ na. Pagka meꞌ looy, ongoy subay na pin kulang pangando bi niiya ngayaran kaam?

Sangkon bila kam naraka ni jama miskin, daa kam maan jama minsan gi bagay bi banahan supaya yaꞌ tasayu jama. Ndang-ndang takita du leꞌ Mmaꞌ bi Tuhan ni sulgaꞌ, maka iya sa nungbasan kaam.

Yuk si Isa lagi, “Paayad-ayad kam. Bila kam magtaat, daa sabtanan bi subay na pin sasang meka jama ngita. Bong ina meꞌ naa maksud bi, yaꞌ sina luu tungbas takoleꞌ bi man Mmaꞌ bi Tuhan ni sulgaꞌ.

“Maka bila kam puwasa, daa na du kam ngakig jama ma magbawuꞌ-bawuꞌ jaꞌ sutsiꞌ. Jama meꞌ sila ilay, sigi-sigi ngaluraꞌ pilay-pitu man da magpasipat sila jama puwasa. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da. Arapun bila kam puwasa, daa subay na pin kam magpasipat. Batan minsan ina yaꞌ tasayu jama, takita du leꞌ Mmaꞌ bi ma yaꞌ takita. Boꞌ iya sa nungbasan kaam.”