Versículos bíblicos populares de Panagnaan 50

Partilhar

Bana na, meꞌ bi ilay bay buwat aku biddaꞌ na bay laat na, sugaꞌ bay kalaatan bi ilay, ilooy na bay pakoy Tuhan pa kaayaran ni manusiyaꞌ. Batan pagka lay na ku lliyun pitu meꞌ Tuhan, yaꞌ na taambat manusiyaꞌ bay sinalamat supaya yaꞌ matoy kabobowan.

Sugaꞌ yuk si Yusup ninsila, “Ddong na kam ba tawu. Yaꞌ luu kapatut ku ngalabuꞌ hisab njataꞌ bi. Tuhan sa bahalaꞌ.

Sangkon na, yaꞌ na dari man bi tawu niyaku. Gam pin, balanjaan ta lagi kam sina sampay ga anak-nda bi.” Sarī man ilooy, meka gi bitsala man na bay ngug-ngugan sila.

Bay tugun na, ‘Baan bi si Yusup, junjung ku na niiya nohoꞌ na kam binuwanan kaampunan ni bay kalaatan bi bay makaat iya jaman looy.’ “Dari tugun kami pa mman si Yusup, paku kami na junjung niiya, buwanan na na kami kaampunan. Ndang-ndang sibuꞌ du Tuhan isbat kami ka Tuhan ma bay inisbat meꞌ Simmaꞌ.” Na lay jaꞌ siꞌ si Yusup kabaan meꞌ looy, ilooy ma lay ya kapanangis.

Na tapit jaꞌ siꞌ kapatoy si Yusup, tugun na ni ga danganakan na, “Aku tu, yaꞌ na hallom matoy, sugaꞌ yaꞌ du sina kam pinabiya meꞌ Tuhan. Bbos-bbos binoo du sina ga panubuꞌ bi meꞌ Tuhan pa Kanan, lahat looy ma bay janjiꞌ Tuhan ni Boꞌ Ibrahim, Boꞌ Isahak, sampay ni Simmaꞌ.”

Pag-anu siꞌ, lay na baw si Yusup nohoꞌ ga danganakan na napa, yuk na, “Sapahan bi, basta boonun bi ga towang ku pa Kanan pag taabut masa bangsa tabi tinammuhan meꞌ Tuhan bbos-bbos sampay binoo pilay.”

Na si Yusup ilay siꞌ bay matoy, mag-umu na dahatus sapun taun. Pag-anu siꞌ, lay na kinapul mayat na boꞌ inannaꞌ ni jawom tuung ndooy ni Ejip.