Versículos bíblicos populares de Yowano 15

Partilhar

Ami yami Muvinyo, enu mumitango. Ou mwatwamanga muli Ami nayAmi nawa muli ikiye, kaha mwemanga mihako yayivulu, mwomwo chikeshi Ami kachi kamweshi kuhasa kulinga chuma nachimweko.

Twamenunga muli Ami, nayAmi nawa muli enu. Ngana omu mutango kaweshi kuhasa kulimina mihako hauka wawoko kuvanga unatwame kumuvinyo, ngocho nayenu nawa, kuvanga mutwamenga muli Ami.

Nge namutwamanga muli Ami, kaha mazu ami nawa nawatwamanga muli enu, lombenu cheshocho munasake, kaha navamilingilacho.

Enu kamwangusakwile Amiko, oloze Ami ngwamisakwile enu, kaha ngunamitongola ngwami enu muyenga nakwima mihako — mihako yenu yikatwalilileho — mangana cheshocho namulomba Tata mulijina lyami akamihanecho.

Naumwe wauchi ali nazangi yakuhambakana eyi, yakusuwila masepa jenyi mwono wenyi.

Wose mutango wamuli Ami wakuzeneka kwima mihako mwauzundula, kaha wose weji kwimanga mihako mwautomesanga mangana wimenga mihako yayivulu.

Echi chikiko ngwámilweza ngwami, Lizangenunga mwenu mwenu ngana omu ngwamizangila.

Navalishilaho upahu waTata hakwima chenu mihako yayivulu, ngocho namupwanga mutumbaji twami chikupu.

Ami yami Muvinyo wamuchano, kaha Tata Ikiye Njimi.

Weshowo keshi kutwamanga muli Amiko, navamumbila nge mutango, mwominyina, kaha veji kuyikongolanga nakuyimbila mukakahya, hinayiwema.

Evi ngunavihanjika kuli enu mangana kuwahilila chami chipwenga muli enu, kaha kuwahilila chenu chipwenga chakutamo.

Nge namulinganga mwaya vize ngwámilweza, namutwamanga muzangi yami, ngana omu ngunalingi mwaya vize ángulweza Tata, kaha ngwatwama muzangi yenyi.

Evi ngunamilwezevyo mangana mulizangenga mwenu mwenu.

Nge mwapwanga muvaka-kaye, kachi vaka-kaye vanamizange hakupwa muvakwavo. Enu kamweshi muvaka-kayeko, oloze Ami ngwamisakwile muli vaka-kaye, shikaho vaka-kaye vamihunga.