Versículos bíblicos populares de Ilu̍uku 22

Partilhar

hīka, “Ɔwɔ A̍dā! Chu̍chu̍u, de ɔgba̍galā yī ichi̍ nūma̍ nāa hī u gɛ, nīi a ge̍ chikpo̍ ge̍ē ya̍ i̍ngɔ̍ɔ. A ā chī ya̍ lɔkɔ nīi n chikpo̍ ma̍ ni̍. Lɔkɔ nīi awɔ ɔlɔjā chikpo̍ ma̍ - i̍ngɔ̍ɔ ke̍e̍ nīi o̍ ge̍ē lɛ a̍nɛ.”

N chī jɔhā de awɔ pi̍i̍ mɛ̍, Ipi̍ta, hɛ̄ɛbɛ nīi ɔtū ode chōche yī wɔ ge̍ e̍e hīyohū ni̍. A ge̍ ku̍chē pīya ūkpɔ̄tū ta̍ um mɛ̍, a tū aɛ̍nɛ̍ yī wɔ ehēhī wɔbɔ̄ nīi e̍ ge̍ lɛ brii bɛ̍ɛ̄nɛ̄,”

Bɛ̍ɛ̄nɛ̄ ma̍, Iji̍sɔ̄ɔsi nāa ibrɛ̍ɛdi ɔla̍ā bī la abɔ̄. O̍ da Ɔwɔ o̍be, de ɔ̍ hɛ̍ wa̍a̍ o̍bū de nāa de a̍chi̍kpo̍ yī nū. O̍ koko̍o de wa̍ hīka, “Ibi̍īyē yī u hɔ̄ ma̍ a̍nɛ. [Ibi̍īyē yī u nīi n de de ala̍ a̍nɛ, Ala̍ ya̍ i̍ngi̍ngɔ̍ɔ lɛ ɔbɔ̄bla yī u.”

Ga la ɔgɔgu yī lɛlā nūma̍, ojōre̍ yī ɔ̄nɛ̄ ɔla̍ā de kwɛ̍ɛjī bɛ̍ɛ̄nɛ̄ ma̍, o̍ nāa ɔgba̍galā yī ɛ̍mwɔ̄ grāa aa̍. O̍ koko̍o de wa̍ hīka, “Ɔgba̍galā yī ɛ̍mwɔ̄ nūma̍, anu̍ - yɛka onīpīpɛ̄ yī Ɔwɔ nīi lwɔhu̍ bū la yeyī yī u nīi hu hunū de ala̍ ma̍ a̍nɛ.]

Ūkpɔ̄tū ti̍ya Iji̍sɔ̄ɔsi tū kpɛ̍ɛji ma̍, o̍ jɔhā de Ɔwɔ ga iyɔ̄bū iyɔ̄bū. Arɛ yī ibi̍īyē yī nū nīi yɛ ē lwāa ē gāa ajɛ ma̍ lɛ i̍ngɔ̍ɔ ke̍e̍ bāa yeyī ma̍.]

I̍ i̍ngɔ̍ɔ nīi iyī ala̍ ma̍ ge̍ē lɛ a̍ni̍. Ɔ̄chɛ nīi ge̍ - ɔmaga lipu̍ yī ala̍ ge̍ē lɛ bāa ohu̍yɔma yī ala̍ ma̍. Ɔ̄chɛ nīi ge̍ - ɔlɛhu̍ yī ala̍ ge̍ē lɛ bāa ɔ̍chɛ̍ ma̍.

Iji̍sɔ̄ɔsi hīya anu̍ ɔkɔ, koko̍o de ɔ̍ hīka, “Ma̍ gɛ ko̍ō, Ipi̍ta! O̍bū nīi obu̍ūgū ge̍ē tɛ̄ra̍ la otu̍ oli̍chɛ nūma̍, a ge̍ē ta̍ahu̍ igbɛta̍ hīka aɔ̍lɔ i̍ je̍ amɔ̍lɔ ni̍.”