Versículos bíblicos populares de Ijɔ̍ɔn 6

Partilhar

Iji̍sɔ̄ɔsi koko̍o de wa̍ hīka, “Ami - ojōre̍ nīi ē de ɔhɔ̄leyī de ɔ̄chɛ ma̍ a̍nɛ. Ɔ̄chɛ nīi ge̍ wā dikpo̍ba̍ u, ɔlɔjā i̍ ge̍ē ku̍ lɛmiyɛ ge̍ē gbo̍ gɛ ni̍. Ɔ̄chɛ nīi ge̍ de ɔtū che u, ɔlɔjā i̍ ge̍ē ku̍ odīyenyi ge̍ē gbo̍ gɛ ni̍.

Ala̍ ma̍ ko̍ō! Uhu yī Ɔwɔ ē de ɔhɔ̄leyī a̍nɛ. Wɔhu̍ yī ɔ̄chɛ̄ɛchɛ i̍ tū ɛpiyabuna ɔha̍lɔha̍ ni̍. Lɛlā ɔla̍ā nīi n ka de ala̍ ma̍ - Uhu yī Ɔwɔ ba̍la ɔhɔ̄leyī ke̍e̍ nɛ.

Ala̍ e̍e ya̍ u̍ku̍rɔ̍ yī ojōre̍ nīi ē bɔ̄bīya ē mɛ ma̍ ni̍. Ala̍ ā ya̍ u̍ku̍rɔ̍ yī ojōre̍ nīi ē hɔ̄ kpɛɛ ē gbo̍ ɔhɔ̄leyī i̍mɔ̄mɛni̍ ma̍. Ojōre̍ ɔla̍ā nīi Ɔyi̍ yī Ɔngrɔ̄ɔ ge̍ē de ē de ala̍ a̍nɛ. Wu̍chē oji̍ nɛ, Ɔwɔ A̍dā chɛ̄ku ɔ̍ de ɛ̍na yī anu̍ ɔlɔjā pi ɔ̍ mɛ̍.”

Wu̍chē oji̍ nɛ, ɔjā nūma̍ i̍ngɛ̍ɛ̄nɛ̄ nīi A̍dā yī u chikpo̍ a̍nɛ: Āchɛ wa̍a̍ nīi - ɛ̍lɛ ge̍ ma̍ Ɔyi̍ yī Ɔwɔ chɛ̄ku ɔ̍lɔ, ɛlɛjā ɛ̍lɛ ge̍ē lɛ ɔhɔ̄leyī i̍mɔ̄mɛni̍. N chī ge̍ē de wa̍ ē hye̍ēyī la okū la ɔ̄chī ɔkwɛ̍ɛjī.”

Iji̍sɔ̄ɔsi koko̍o de wa̍ hīka, “Ala̍ ma̍ ko̍ō! U̍ku̍rɔ̍ nīi Ɔwɔ chikpo̍ ka ala̍ ɔ̍lɔ ge̍ ya̍ ma̍ re̍ka ɔchɛ̄ ku ɔ̄chɛ nīi Ɔwɔ ɔlɔjā de tɛ̄rɔ̄ wā ma̍.”

Āchɛ wa̍a̍ nīi A̍dā yī u de de u ma̍ ge̍ē wā dikpo̍ba̍ u. Ɔ̄chaha̍-ɔ̄chaha̍ nīi ge̍ wā dikpo̍ba̍ u, n i̍ ge̍ē nū ɔ̄ pīya ge̍ē gbo̍ ni̍.

Isa̍yi̍mɔ̄ɔn Ipi̍ta hīya anu̍ ɔkɔ hīka, “Ādā, ɔ̄nyɛ nīi alɔ ge̍ē gba̍a ē pīya ē dikpo̍ ē ba̍ ɔ̄ ma̍? Awɔ chī - lɛlā ɔla̍ā nīi ē de ɔhɔ̄leyī i̍mɔ̄mɛni̍ ē de ɔ̄chɛ a̍nɛ.

Ami re̍ka ojōre̍ yī ɔhɔ̄leyī ɔla̍ā nīi bū la ichō wā ma̍ a̍nɛ. Ɔ̄chɛ nīi ge̍ re̍ ojōre̍ nūma̍, ɔlɔjā ge̍ē hɔ̄leyī ku yɛ̄grāa i̍kwɛ̍ɛjī oko̍ōku̍ ni̍. Ojōre̍ ɔla̍ā nīi n ge̍ē de ē de ɔlɔjā ma̍ - ɛbɛ̍ yī ibi̍īyē yī u nɛ. Anu̍ nīi n ge̍ē de hɛ̄ɛbɛ nīi yɛchɛ wa̍a̍ ē de ē wōwi a̍nɛ.”

Ɔ̄chɔ̄chɛ i̍ ge̍ē wā dikpo̍ba̍ u ē mɛ ni̍, ɔ̍chi̍kpa̍kpa̍ Ɔwɔ A̍dā nīi de u tɛ̄rɔ̄ ma̍ pi ɔlɔjā bla̍a ami o̍bū. N chī ge̍ē de ɔlɔjā hye̍ēyī wā la ɔhɔ̄leyī la ɔ̄chī ɔkwɛ̍ɛjī.

Ɔ̄chɛ nīi bū abɔ̍ɔ la ichō wā ge̍ē de ɔhɔ̄leyī de yɛchɛ ma̍, anu̍ - ojōre̍ ɔla̍ā nīi bū la ichō ma̍ a̍nɛ.”

Ami - ojōre̍ yī ɔhɔ̄leyī a̍nɛ.

Bɛ̍ɛ̄nɛ̄, Iji̍sɔ̄ɔsi nāa ibrɛ̍ɛdi ɛla̍ā bī la abɔ̄, da Ɔwɔ o̍be. O̍ de kɔ̄ de āchɛ ɛla̍ā wa̍a̍ nīi hyāhɔ̄ abɔ̍ɔ ma̍. O̍ gba̍a nāa ɛbɛ̍yēenyi ya̍ i̍ngi̍ngɔ̍ɔ. Aa̍ wa̍a̍ re̍ lɔkɔkɔ nīi ɔnyɔnyɛ chikpo̍ ma̍. O̍ de jɛ̄ wā wa̍a̍ ma̍, Iji̍sɔ̄ɔsi da a̍chi̍kpo̍ yī nū hīka, “Ala̍ ā kpo̍ irwi yī ojōre̍ ɔla̍ā wa̍a̍ hā. Ala̍ ā tu̍ hī ɔha̍lɔha̍ chāajɛ ni̍.”

A̍chi̍kpo̍ yī nū pɛ̍ wɔwu̍ yɛ la yenyi gbajɛ la ina̍aba ɛta̍ kɛ̄ɛ ɛnɛ mɛ̍. Yɛ̄grāa ɔla̍ā, e̍ ma̍ Iji̍sɔ̄ɔsi nīi o̍ yɛɛ ke̍e̍ la ichō yī yenyi yɛ ē tu̍ bla̍a wɔwu̍ ma̍, aa̍ wa̍a̍ de kpo̍ tūuhwi ɔlamu-ɔlamu. Iji̍sɔ̄ɔsi ka grāa aa̍ hīka, “Ala̍ e̍e tūuhwi ni̍, ma̍a ami nɛ.”