Versículos bíblicos populares de Matthaw 7

Partilhar

¶ Gofynwch, a rhoddir i chwi; ceisiwch, a chwi a gewch; curwch, ac fe agorir i chwi.

Canys pob un sy’n gofyn, sy’n derbyn; a’r neb sy’n ceisio, sy’n cael; ac i’r hwn sydd yn curo, yr agorir.

Gan hynny pwy bynnag sy’n gwrandaw fy ngeiriau hyn, ac yn eu gwneuthur, mi a’i cyffelybaf ef i wr câll, yr hwn a adeiladodd ei dŷ ar y graig.

Am hynny pa bethau bynnag a ewyllysioch eu gwneuthur o ddynion i chwi, felly gwnewch chwi iddynt hwy; canys hyn yw’r gyfraith a’r prophwydi.

Mor gyfyng y porth, a cûl y ffordd sydd yn arwain i’r bywyd; a mor ychydig yw y rhai sydd yn myned iddi?

¶ Ewch i mewn trwy’r porth cyfyng: canys llydan yw’r porth, a helaeth yw’r ffordd sydd yn arwain i ddistryw; a llawer yw y rhai sydd yn myned i mewn trwyddi

Os chwi gan hynny, a chwi yn ddrwg, a fedrwch roddi rhoddion da i’ch plant, pa faint mwy y rhydd eich Tad yr hwn sydd yn y nefoedd bethau da i’r rhai a ofynant iddo?

NA fernwch, fel na’ch barner. Canys â pha farn y barnoch, y’ch bernir: ac â pha fesur y mesuroch, yr adfesurir i chwithau.

A phob un a’r sydd yn gwrandaw fy ngeiriau hyn, ac ddim yn eu gwneuthur, a gyffelybir i wr ffôl, yr hwn a adeiladodd ei dŷ ar y tywod

A phaham yr wyt yn edrych ar y brycheuyn sydd yn llygad dy frawd, ac nad ydwyt yn ystyried y trawst sydd yn dy lygad dy hun? Neu pa fodd y dywedi wrth dy frawd, Gâd i mi fwrw allan y brycheuyn o’th lygad; ac wele, drawst yn dy lygad dy hun?

¶ Ymogelwch rhag gau-brophwydi, y rhai a ddeuant attoch y’ngwisgoedd defaid, ond oddi mewn ydynt fleiddiaid rheibus. Wrth eu ffrwythau yr adnabyddwch hwynt. Ni chesglir grawn-win oddi ar ddrain, na ffigys oddi ar ysgall.

Felly pob pren da sydd yn dwyn ffrwythau da; ond y pren drwg sydd yn dwyn ffrwythau drwg.

Ni ddichon pren da ddwyn ffrwythau drwg, na phren drwg ddwyn ffrwythau da.

Pob pren ni ddwg ffrwythau da a dorrir i lawr, ac a deflir i’r tân.