Versículos bíblicos populares de MATIYO 10

Partilhar

“Ayiwa, ne b'aw ci i n'a fɔ sagaw waraw cɛma. O la, aw ka kɛ yɛrɛkɔlɔsibagaw ye i n'a fɔ saa, aw ka koo ka nɔgɔya i n'a fɔ jɛnɛtugan.

Ni mɔgɔ min b'a fɛ ka koo bɛɛ kɛ waasa a kana sa, o tigi bɛna sa. Nga, ni min sara ne kɔsɔn, o tigi bɛna sini hɛrɛ sɔrɔ.

Mɔgɔ minw bɛ se k'aw faga n'u tɛ se ka foyi kɛ aw la lahara, aw kana siran olu nya. Ala min bɛ se k'aw faga ka tila k'aw don jahanama na, aw ka siran ale dɔrɔn nya.

Ni mɔgɔ min tɛ sɔn ka tɔɔrɔ munyu ka tugu ne kɔ, o tigi tɛ se ka kɛ ne ka kalanden ye.

“Ni mɔgɔ min y'a fɔ mɔgɔw nyana ko ale ye ne ka mɔgɔ ye, ne fana bɛn'a fɔ n Faa Ala nyana k'o tigi ye ne ka mɔgɔ ye. Nga, ni mɔgɔ min banna ne la mɔgɔw nyana, ne fana bɛna ban o tigi la n Faa Ala nyana.

Aw ye banabagatɔw kɛnɛya, ka suuw kunun, ka kunatɔw kɛnɛya, ka jinaw gwɛn ka bɔ mɔgɔw la. Ne y'o koow kɛ see d'aw ma gwansan, o la, aw fana k'o kɛ mɔgɔw ye gwansan.

O kama, aw kana siran. Aw ka fisa ni kɔnɔnin caaman ye Ala nyakɔrɔ.

“Aw kana miiri ko ne nana ni hɛrɛ ye dinyɛ na. Ne ma na ni hɛrɛ ye, nga ne nana kɛlɛ le don mɔgɔ ni nyɔgɔn cɛ.