Versículos bíblicos populares de Matayo 7

Partilhar

Tereveń amu muniingwaa. Ruyeń amu mukooyaa. Kabekabeń yoondi amu muruyoo.

Fulya ulya woose akee itereva aniingwaa, na ulya akee iṛuya akooyaa, na ulya akee ikabakaba yoondi aruyoo.

Kyasia ulya woose aaranyaa firero fi fakwa na iirikya kafiirikya, ito avakanaa na nndu ndango andetanya numba yamwi iweń.

Kilya kyoose mufurie vandu vamutanye ini, neeni vatanyeń kuro da. Amu kuro llyo yawutya mavavaso na miloshye ya vaauya fisuku.

Na lingi wifo mwaango nsuse na shia yayo isaangi, yyo ifikaa muuń na vaira-fo waangu.

Akeń mwaangoń ito nsuse. Amu wifo mwaango uwore mbari na shia yayo yalamukye, yyo ifikaa uretiń na valya vairaa shia yo vveengi.

Kyasiań kwakooya ini mukee varekwa mwishi iniinga vana vanu findo fisha, a Nde yanu wa iṛuvewu yye kilanya se aniingaa valya vakee intereva fisha?

Mutaumisye vandu, amu neeni mutaumisyo. Amu myumisye ilya neeni mukee yumisya yyo meni muumisyoo nayo. Na kyelelyo kilya mwelelyaa, nkyo kyeni mwelelyoo nakyo.

Na nndu woose aaranyaa firero fi fakwa kara atafiirikya, ito avakanaa na nndu ntondo andetanya numba yamwi shia ya mfu.

A iwe nki ili kwalla kinana kikee irisoń lya mwanamae wafo na kisinde kikee irisoń lyafo kutakiishi? Ana naare kuiaa mwanamae wafo: Vera nkuute kinana kyo kikee irisoń lyafo, neekai ifo irisoń lyafo ku muni kiifo kisinde?

Kusembekeń valosha va wongo vamusheaa vakee vawoo sha maanri, kake kari kawo vafisye ushaa sha ngwe. Muvamanyaa mitanyeń yawo. A nndu amakii iminya maṛuu ifo masangaṛyuń ana iyaa nroo ifo nrueń?

Mfo kuro kikai: Nri woose ukee nnuru uvikaa nunda shinuru. Na nri nkasha uvikaa nunda shikasha.

Nri nnuru umakii ivika nunda shikasha ndi ana nri nkasha umakii ivika nunda shinuru ndi.

Mfo kuro na nri woose utavikaa nunda shinuru uminyoo weeṛwa muroń.