Versículos bíblicos populares de Matalikilo 12

Partilhar

Ndiyookupa bana banji bayooba musyobo mupati kapati. Ndiyookuleleka kuti zina lyako likabe ampuwo, uyooba cileleko kubantu boonse. Aabo bayookuleleka ambebo ndiyoobaleleka, pele ndiyoobasinganya aabo bayookusinganya. Ndiyooileleka misyobo yoonse yamunyika kwiindila mulinduwe.”

Lino Mwami Leza wakati kuli Abulamu, “Kosiya cisi cokwanu, usiye anzubo zyako, amukwasyi wauso, uunke kucisi nceyookutondezya.

Aboobo Abulamu wakalonga kuzwa ku Halani, mbuli Mwami Leza mbwaakamwaambila kuti acite. Wakatolelezya amwanaa munyina Loti. Abulamu wakajisi myaka iili makumi aali ciloba aisanu naakalonga.

Mwami Leza wakalibonya kuli Abulamu, wakamwaambila kuti, “Eeyi njenyika njeyoopa lunyungu lwako.” Nkabela mpoonya aawo Abulamu wakayaka cipaililo ku Mwami Leza, ooyo wakalibonya kulinguwe.