Versículos bíblicos populares de Mar 6

Partilhar

Antû babaingî nî beetîre kîrî Jesû na aritwa baawe mwanka baraaga kaanya ga kûrîa. Tontû bûû, Jesû areera aritwa baawe, “Twîteni tûrî twinka gûntû gûtî antû nîkenda bûnogoka kagiita gagakai.”

Jesû arabeera, “Kîroria nî kîejagwa gîtîîo kunthe tiga ntûûreene yaao na mûciî jwaao na kinya nja yaao.”

Rîrîa Jesû aumîre gîtarûûne, nî eethîîre antû babaingî na arabaigîîrua kîaao nîûntû baakari ta ng'ondu itî na mûrîîthi. Rîu araambîrîria kûbaritana mantû jamaingî.

Atoombîre kûringa biama bibingî kûu tiga aajie babakai arîkîrîire njara na arabooria. Nî aarigarîre mono nîûntû bwa antû kwaga wîtîkio. Nyuma ya ûu Jesû nî aariûngîîre ntûûra irîa ciaarî akuî akîritanaga.

Rîu Jesû arajûkia mîgaate îîu îtaano na makûyû jaîrî araraithîîria bwa îgûrû, na aracokeria Mûrungu nkaatho, na arang'enyûranga mîgaate îîu na aranenkera aritwa baawe bagaîra antû. Ningî aragaîra antû bonthe makûyû jarîa jaîrî. Bonthe bararîa na baranyira. Baroothûrania matigi ja mîgaate na makûyû, baroojûria ikabû îkûmi na biîrî.