Versículos bíblicos populares de Mar 14

Partilhar

Arauga, “Baaba, mantû jonthe nî joombîkaga kîrî gwe. Mpebeeria gîkombe gîkî, îndî tî ûrîa ni nkwenda, ka ûrîa ûkwenda bûthithîke.”

Rîu arabeera, “Rombeni na bûkámama, bûtîkeeje kûgwa magerioone. Roho nî akwenda, îndî mwîrî jûtî na inya.”

Ndîbwîra na mma atî o kûrîa Nteto Injega cia Mûrungu igatûmagîîrua nthîgûrûûne yonthe, ûrîa athithia gûkeeranagwa nîkenda ariikanagwa.”

Nawe arabeera, “nî nkwigua kîeba nkoroone ûntû mpûûmba gûkua. Kareni aja na bûkámama.”

Rîrîa baarîjaga, Jesû nî aajûkîrie mûgaate na aracokeria Mûrungu nkaatho na arajûng'enyûranga, aranenkera aritwa baawe akiugaga, “Jûkieni, jûjû nî mwîrî jwaakwa.”

Ningî arajûkia gîkombe na aracokeria Mûrungu nkaatho arabanenkera na bonthe barakundana gîkombe kîu. Rîu arabeera, “Îîjî nî tharike yaakwa ya kûrikithia kîrîkanîro gîkîerû, îrîa îgwîtûûrwa nîûntû bwa babaingî.

Jesû areera aritwa baawe, “Bwinthe bûkambîrûkîra, nîkwîthîrwa nî kwaandîki, ‘Nkariinga mûrîîthi na ng'ondu ciaragane.’

Ûkîîreeni twîte. Raithîrieni, ûrîa wankunyanîra arî akuî.”

Jesû aramwîra, “Ndîkwîra na mma atîrî, ûtukû bûbû mbere ya nchamba ya ngûkû îgamba jaîrî, ûkeethîrwa ûgûnkaana maita jathatû.”