Versículos bíblicos populares de KĨAMBĨRĨRIA 17

Partilhar

Na rĩrĩ, rĩrĩa Aburamu aakorirũo arĩ wa mĩaka mĩrongo kenda na kenda, Jehova akĩmuumĩrĩra, akĩmwĩra atĩrĩ, Niĩ nĩ niĩ Mũrungu ũrĩa Mwene-Hinya; tũũra ũthiaga ũtekuuma harĩ niĩ, na ũtuĩke mũkinyanĩru.

O na ningĩ kuuma rĩu ndũgacoka gwĩtwo Aburamu; ũrĩĩtagwo Iburahimu, nĩ ũndũ nĩngũtuĩte ithe wa ndũrĩrĩ nyingĩ mũno.

Na nĩngatũũra nũmĩtie kĩrĩkanĩro giitũ nawe, o na mbeũ yaku ya thutha, o gwata njiaro ciayo ciothe, nĩ getha gĩtuĩke kĩrĩkanĩro gĩa gũtũũra tene na tene, gĩa atĩ nduĩke Ngai waku, na wa mbeũ yaku ya thutha.

Niĩ hakwarĩ, nĩ kũrĩkanĩra ndarĩkanĩra nawe, nawe nĩũgatuĩka ithe wa ndũrĩrĩ nyingĩ mũno.

Nake Ngai akiuga atĩrĩ, Aca-ni; nĩ Sara, mũkaguo, ũgagũciarĩra kahĩĩ, nawe ũgatue Isaaka; na nĩngakarũmĩria kĩrĩkanĩro gĩakwa, gĩtuĩke gĩa gũtũũra tene na tene harĩ mbeũ yako ya thutha.

Naguo bũrũri ũyũ ũtũire wĩ mũgeni, o bũrũri ũyũ wothe wa Kanaani-rĩ, nĩwe ngahe, o na mbeũ yaku ya thutha, ũtuĩke wanyu kĩũmbe tene na tene; na niĩ-rĩ, nĩ niĩ ngatũũra ndĩ o Ngai wayo.

Hĩndĩ ĩo Iburahimu agĩkĩĩgũithia agĩturumithia ũthiũ thĩ, agĩtheka; akĩĩyũria na ngoro atĩrĩ, Githĩ mũndũ wa mĩaka igana aahota kũgĩa mwana? Sara nake, na nĩ wa mĩaka mĩrongo kenda-rĩ, githĩ aaciara?

Ningĩ Ngai akĩĩra Iburahimu atĩrĩ, Ha ũhoro wa mũkaguo Sarai-rĩ, ndũgũcoka kũmwĩta Sarai; rĩĩtwa rĩrĩa arĩĩtagwo nĩ Sara.

Na mũrĩruaga nyama ya mwĩrĩ ĩrĩa ya gĩrima; naguo ũndũ ũcio ũtuĩke rũũri rũa atĩ he kĩrĩkanĩro giitũ na inyuĩ.

No rĩrĩ, nĩ Isaaka ngarũmĩria kĩrĩkanĩro gĩakwa, o we ũcio ũgaciarĩrũo nĩ Sara, ihinda o ta rĩrĩ rĩakinya, mwaka ũyũ ũgũũka.

Mwana o wothe wa kahĩĩ wĩ thĩinĩ wanyu, aanina mĩthenya ĩnana, no mũhaka akarua; mũndũ o wothe wa mũthemba wa arũme njiaro-inĩ cianyu ciothe, no mũhaka akarua, o gwata ũrĩa ũtarĩ wa mbeũ yaku ũciarĩirũo mũciĩ, o na kana akagũrũo harĩ mũndũ wa kũngĩ na mbia. Mũndũ ũcio ũciarĩirũo gwaku mũciĩ, O na kana ũcio ũgũrĩtwo na mbia ciaku-rĩ, matirĩ hingo matekũrua, nĩguo kĩrĩkanĩro gĩakwa gĩtũũre mĩĩrĩ-inĩ yanyu gĩtuĩke kĩrĩkanĩro gĩa tene na tene.