Versículos bíblicos populares de Pewaliana 15

Partilhar

Katoꞌo mepoꞌohimo hi Abara pe PUEꞌ Ala, hei alaꞌ tiꞌo PUEꞌ Ala mantorimoꞌi mewali toaꞌ to mononto i pampeꞌeleNa.

Katoꞌo mehupaꞌmo pohawaꞌne PUEꞌ pe hi Abara i lali haꞌanu peponoꞌokiꞌi, “Abara inioꞌko motehuꞌ, Akumola labamu, haromu hingkiꞌ kodeꞌ mpololeke.”

Katoꞌo PUEꞌ Ala mangkomi hi Abara mesuwu hei mohawaꞌ, “Amo dewae penoaꞌ pe laniꞌ hei ihaꞌmo betueꞌ-betueꞌ, ane ibiaꞌi iꞌihaꞌ, watoꞌomola koworiꞌne pemuleꞌamu.”

Angkana mehupaꞌ pohawaꞌne PUEꞌ pe io, waheꞌe, “Toaꞌ tiꞌo hawaꞌi hingkiꞌ mantorimo rasiꞌ ka ingko angkana anaꞌmu hadoduomu, iomo haduo anaꞌntomaꞌani. Iomo to mantorimo lekiꞌna lumamu.”

Pohawaꞌna PUEꞌ pe hi Abara, Notiꞌi “Ibahaꞌmo mpuꞌu pemuleꞌamuhi hingkiꞌ mewalihi toaꞌ to mehupaꞌ i haꞌanu woiꞌ peꞌohaꞌa to hawaꞌi roꞌompui, hei iohi hingkiꞌ nipohawiꞌhi hei nipopoꞌioꞌiohi, 400 ntoꞌa komoruene.

Hi Abara mehoniꞌ, “O Pueꞌ Ala, hawaꞌi uwaꞌ dumbuꞌne ipaꞌanikiꞌa, alaꞌ hawaꞌi uwaꞌ anaꞌka hei ane mahiꞌa intu to hingkiꞌ mamporasiꞌa lumangku iomo hawiꞌku hi Eliese, toDamasi tiꞌo.”

I ando tiꞌomola PUEꞌ Ala mampoꞌuwaꞌ podandi pe hi Abara hei mohawaꞌ, “Pe pemuleꞌamu Kupaꞌanihi woiꞌ peꞌohaꞌa hieꞌe, mepongka ka uwai Masiri wute pe uwai to kodeꞌ tiꞌo, uwai Epara.

Angkana pemuleꞌamu to kaꞌiba hingkiꞌ mahuliꞌhi i hieꞌe, hinewowoꞌena handoaꞌi tempona Aku mobue toAmori mesuwu ka woiꞌ hieꞌe, ane makajamoꞌi kokodakene waliara honiꞌihi wae intu Kuhuku.”