Versículos bíblicos populares de Matius 10

Partilhar

”Nin jammo suk gato Ji ki ré et, Ji syogat nin mu, nin tepsu jot gan gato yo nggi nde mu mo ndar krok miten. Sane nin kem fra tepsu kwis bam, nin ben suk-i njep tepsu ndabu.

Ye to werwa an dakai mewa an nggwa, bergan an kwop re, wo ye to bi nggwa mo Ji wa an ben Ji bi suk-i yo, bere an kem ndo to kapyo mato kapyo.”

Nin nyuwa ye gato nggiwa gu nin da kridek kwop ne nde, wo nin nyuwa Yefun Allah gato nggiwa gu nin da kridek si nin da gesyos ne sino, ete bare mo bot gesyos.

Ye gato bariwa ku sukye tepsu ye sam bi kwesukwin, ete bariwa sibot suk gato Ji ben ne yo, Ji bariwa ye ne simo Ji tepsu Ji bi pakon re.

”Ye gato ki mo yé mwa gwem do, an si Ji tepsu dik, bere Ji waii ki sane nai Ji bi Ai mo gu. Sarewo ye to da jam Ji gum, sarewo an bambrai wa ki Ji gum mo yé mwa gwem, sane bere Ji waii bambrai wa Ji ki ye ne gum mo Ji bi Ai gwem mo gu dom.”

Nin ben ye gato i ne ge. Nin sun ye gato kwop ne mbau satu. Nin ben ye gato suki borbuk git ne ge satu. Nin syun semda wé kadit ye gato semda ben ne. Ji syo suktinggi nai nin wa nin ben suk bok gare, nin yo bi sugum nai Ji wa nde, sane nin ós nje it yo, nin ndek sugum wa dom nde.

Sane nin nyuwa suk daret nde. Yefun Allah bi sukjimnut sye kas subot men yetu ndo nde, sane Yefun mewa nin wai kadit ndam mwa ne o re.”

”Te, nin nut do Ji ma mo bur ré wa Ji ben yetu kem ndo su yu bado? Sane nde. Ji ma wa Ji ós yetu kem ndo su yu nde, wo Ji ma wa Ji ben yetu maskwa yu ete wat yu.