Versículos bíblicos populares de KEJADIAN 27

Partilhar

Allah nen he, lilengge pogoroba mene pelakhesi wagik, heabukwe muli mondok wokhetik, sumburu gandum mene inom, i anggur enggen amusu inom, mondok hokhorogo oba heilarogo wokhetik, ikhi logouwago. Afuni inunggulenu lombok mondogat hat hamingmingengge hilinglaga logolik, hat hawe a'ma logouwago. Nen hoe hagot mondogat haren ferinarek logogin o. Hat hagaisa nen tagongge nen he, ineindep awi yagaisogo fogethafi logouwago. Nen, afuni ekhe nen, hat homan hobagagun halok, Allah nen it andi mondogat homan fisikhi logogin o. Nen, hat fanothafu halok he, it andi Allah nen fanorinafi logouwagaro,” iluk yagatikhe.

A'nogo yagatikhemo, at Esau nen he, ”Enu Yakub andi higithogoat salasikhemo higi. Attak an nebe manggusa esin mene andi nenggimo telogo helikhesik he, hobuk Allah nen an fanotnafi logogin mene a'nogo ogore arenat telikhe andi o,” iluk eisena yagatikhesik, mel yagatikheat, ”Wene hendawimo mene Allah nen an fanotnafi logouwageluk yaganesigin mene ekhe werega? Lega!” iluk yagatikhe.

A'nogo yagati lagaikhemo, hobuk at Ishak en he, mel yagatikhe: ”Hat faget he, lilengge pogoroba nen he, pi waga logoinogo o. Nen, heabukwe kweang fano muli aga logoinogo o. Hat he, henggarok andibaat afuni inoatungge logogin. Logolik he, hebe hagot amingmingengge hilinglasimbik meneat he, hobuk nabit iluk folim hibirogo menlasimbik he, hale'ma asigin o,” iluk yagatikhe.

A'nogo yagatikhe mene re, at Esau kamo igi'lek kino yagatu mondogat weregen he: ”Wene hendawimo mene Allah nen fanorinafi logogin mene misigat andi ara? Ekhe werek halok, an ekhe yaganesigin aro, neisena, iluk yagatikhesik, le mondok hokhorogo agaikheat.