Versículos bíblicos populares de Jɔ̀ɔ̌n 6

Partilhar

È kě Jùsu dɛ̌a u je Ɔ je, “Mǒà Mǒ moo Kou Ɛ̈ nyee nyopò kmɔ̌ sie fònfno, nyu wùɛ ɔ̈ miɔ Mǒo mɔ̀ diba ɔ̈ mi Něe tè kàan tè poba, sàno klee nenǎ to se ɔ numa mu de.

È Nyuà Ɔ̈ nyee tùonyopo kmɔ̌ sie fònfno Nɔ̀ moo Nyesoaa Ngmà Je Ne Sùsu, kɛɛ tùonyugbe kbě se dɛ kɔn bi nuu keǒ ɛ jleě mǒ. Winʼà Ě tmɛɛ̌ amoo nì Sùsu ni Ɛ̌ nye nyopò fònfno.

Aǎ ni didi dɛà ɛ̈ mii jǐ le nymima ɛɛ konkwa, kɛɛ a nu Didi Dɛà nyee nyu kmɔ̌ sie fònfnoo konkwa, nɛ̀ Jbɛjuu Jǔà Ɔ mi a nyema. Mɛ̌oǒ joo nɛ̀ moo Ɔɔ Gbeǐ Nyesoa poo ɛ kɛn kòo keǒ Ɔ mɔ̀.”

Kòo, Ně Gbeǐ jlɛ̌ nyu wùɛ bɔ kɔn kmɔ̌ sie fònfno ɔ̈ jěe Jbɛjuu Jǔà plě ɔ̈ po Ɔɔ tè kàan tè, è klě demǒ bɔɔ̌ chnɛ̀ jlǒ waěǒ wlòmo Ɔ jlɛ̌ Mǒà Bo dǔǎ u jemǒ Bo sàlaě u kǒla mǒ.”

È Jùsu tùa u kɛ̀ɛn Ɔ je, “Nyesoaa konkwa Ɔ jlɛ̌ ba nuu nɛ̀ moo ba po Nyuà Ɔ dboo kělɔ a mɔ̀ Ɔɔ tè kàan tè.”

Nyu wùɛ Ně Gbeǐ mi Mǒo nyema ɔ miɔɔ̌ mɔ̀ diba. È Ě seǎ nyu wùɛ mɔ̀le plù kpe ɔ̈ miɔ Mǒo mɔ̀ diba.

È Saemɔ̌ Pitɛ̌ tùa Ɔ kɛ̀ɛn ɔ je, “Koɔn, mɔ ä kɔɔ̌n kɛ ä miě mɔ̀ muma? Nè winʼà nì blě kmɔ̌ sie fònfno.

Mǒ moo Kou Ɛ̈ sɔn lěe jɔkɛn mǒ Ɛ̈ nyee nyopò fònfno. Nyu wùɛ ɔ̈ mi Ɛɛ diba ɔ mi kmɔ̌ nema tǐ wùɛ mɔ̀. Ně fǒà nɛ̀ moo kou Ě mi nyema ɛ̈ di ɛɛ numa nyopòà neɔ kmɔ̌ɔ mɔ̀ u mǐ kmɔ̌ sie fònfno kɔn.”

Nyu wùɛ nɔ̀ slě wɔ̀ bɔ diɔɔ̌ mɔ̀ ɛ̀ sìnʼǒ Ně Gbeǐà dbo Mǒo Nɔ̀ miě ɔɔ̌ mɔ̀ jaba, è klě demǒ bɔɔ̌ chnɛ̀ jlǒ waěǒ wlòmo Ě miǎ ɔmo nyuǒ jemǒ dǔba ɔ miǎě kǒla mǒ sɔn.

Nyesoaa Kou Nɛ̀ moo Nyuà Ɔ̈ sɔn lěe jɔkɛn mǒ Ɔ̈ nye nee kmɔ̌ sie fònfno keǒ nyopò wùɛ mɔ̀.”

Mǒà Mǒ moo Kou Ɛ̈ nyee nyu kmɔ̌ sie fònfno.

È Jùsu dǔa flɔ̌ɔǒ mǒ Ɔ̌ pea Ɔɔ Gbeǐ tàto keǒ ɛ mɔ̀ Ɔ̌ plooa nyopòǒ neaa ble měne ke u nia nɛɛ jlajlǎ, dɛɛ doǒ nɛ̀ Ɔ nua smìǒ mǒ ke. Tà nyopò wùɛ u diaa dɛ u jǐaa kwliǎ le, è Jùsu tmɔɔ̌a Ɔɔ mɔ̀ cheěn nyo Ɔ je, “Noǎ wùɛ u seae lee a bò i le, ii dɛ ɛɛ̌ wlɛ bo.”

Tà u bliaa bli u nynia lěe tà pɛ̀tu klě ně slè, è u jěa Jùsu Ɔ̌ nɛa ně kɛn Ɔ̌ diaě blǎgbèǒ jǐ mǒ, è uu wùɛ nùǒ kètekee bea wan bo. Kɛɛ kě Jùsu dɛ̌a u je Ɔ je, “Mǒà, a bɔ̌ fano pepeɛ!”