Versículos bíblicos populares de Shiyanso 22

Partilhar

Kwa kiiva ya ilyo, uAbulahamu wápatambulila apo ilitaawa lya Yaahwe-Yiile, uluganulo lwakwe kiija, “UMutwa uNguluvi ikitupeela,” ngaja shina avaanu viijova mbakha iminsiyaano, “Mu shidunda sha Mutwa uNguluvi tiipata fina tisakula.”

UNguluvi wámujovela, “Nisakula umutoole umwanaakho umugani umubaagule uIsaaka, ulute nawo mbakha ku nyi ya Moliya kushaanya ya shidunda shina nisikusoonele. Baheene ulute umuhumye ishadanda sha kinyaanywa kunyangu.”

UMalayikha wámujovela, “Usikhajelaga kimubuda umwana! Lino naamanya kiija ukimutiila uNguluvi, kwa kiiva usakhaana kimupeela hata umuswamu waakho uyu uwa lufingo yuna uNguluvi wáfingaga!”

UAbulahamu wámujovela uIsaaka wáaja, “Muswamu wangu, uNguluvi asitupeele inyana nkholo iya shadanda iya kinyaanya.” Baheene vayitenekha kijenda.

Shiyooli nikiyiyiiga kiija, nisikuyimiilile na nisikuyoolose ishisafi shaakho shisiive shikhome. Shisiive shinshi ngaja nondwe isa ku wulanga na kiiva shinshi ngaja luhankha ulwa mu mbalamo ya bahali. Avanaakho vakhavamena avalugu vaanave, na vakhagagalula amajumbi gaanave. Kishilila ulusawo lwakho, nikhavayimiilila avaanu woona ava mu nyi, kwa kiiva wanipulikha.’”

Paanyuma, uNguluvi wámujelaga uAbulahamu. Wámushemeela wáaja, “Abulahamu!” UAbulahamu wáyiitikha wáaja, “One nili panu.”

Leelo, uMalayikha wa Mutwa uNguluvi wámushemeela uAbulahamu kihuma kushaanya wáaja, “Abulahamu! Abulahamu!” Woope wáyiitikha wáaja, “One nili panu!”

UMalayikha wa Nguluvi wámushemeela uAbulahamu ulwa wuvili kihuma kushaanya, wáaja, “UMutwa uNguluvi iija ndeeni, ‘Kwa kiiva wanipulikha, khanji wanipeela umwanaakho umugani umubaagule uIsaaka, nayiyiiga kwa litaawa lyangu yuune.

Vaganile kifikha uluvala luna uNguluvi akhandi amusoneele uAbulahamu, wásenga uluvala ulwa kihumisa ishadanda. Wásiviikha inyanjala pashaanya, wámupinya umuswamu waakwe uIsaaka, wámuviikha pashaanya pa nyanjala sila.