Versículos bíblicos populares de Yoa 13

Partilhar

Ĩndĩ nĩngũmũnenga mwĩao mweũ: Endanaai inyw'ĩ kwa inyw'ĩ. O tondũ namwendie inyw'ĩ, no nginya nenyu mwendanae o w'o. Nĩ kwa kwendana inyw'ĩ kwa inyw'ĩ andũ onthe makamanya kana mwĩ amanyĩw'a makwa.”

Ethĩwa nyie ĩndĩ nĩ Mwĩai na Mũmanyĩsya wenyu nĩnathambya maũũ menyu, inyw'ĩ o nenyu nĩmwaĩlĩte kũthambanasya maũũ ũmwe kwa ũla ũngĩ. Nũndũ nyie nĩnamwony'a ngelekany'o, nĩ kana o nenyu mwĩkanae ũndũ namwĩka.

Yesũ amũsũngĩa amwĩa, “Yu ndũmanya ũndũ ngwĩka, ĩndĩ ĩtina ũkaũmanya.”

Nĩmũtavya w'o, vai mũthũkũmi wĩthĩawa e mũnene kwĩ mũnene wake, kana mũndũ ũtũmĩtwe akethĩwa e mũnene kwĩ ũla ũmũtũmĩte.

Yu nũndũ nĩmwamanya ũu, mũkeethĩwa mwĩ aathime ethĩwa mũkeekaa ũu.

Kwoou nĩwookĩlile mesanĩ, aumya ngũa ĩla weekĩĩte ĩũlũ na eeyova taũlo kĩnyunyunĩ. Nĩvo ĩndĩ weekĩie kĩw'ũ kalaĩnĩ na ambĩĩa kũthambya amanyĩw'a make maũũ, na kũmavangũla na taũlo ĩsu weeyovete.