Versículos bíblicos populares de Mphattuwelo 35

Partilhar

Nluku ahomwiirela tho: Mi phi mi Nluku o'kuru cothene. Uyarace ni ukhalane ucuulu mwinci. Mwirutthuni mwa we, cinaakhumelela ilapo cinci na atthu enci, ni ammokhumelela mamwene menci. Mi kimmowuvaha we ilapo invahilyaka Aparahamu ni Isaki. Wahoolo ilapo eyo kinaavaha ucuulu aa.

Vano nunwe nirwee uPeteli wonwo kinkontekela ikhilompi Nluku akaakhunle nihuku naarinaka masukuli ni hokiveleela mmaphironi mothene mweettaka.

Vano Nluku ahomwiirela: We ncina naa Yakopi. Ukhuma ilelo ncina naa khaninhala wiihaniya tho Yakopi nanso unhala wiihaniya Sirayeli. Ni aheehaneliya ncina na Sirayeli.

Vano Yakopi ahohimerya ntthoko nawe na atthu othene yarinawe eeraka: Mwaakumihe anluku a malaponi othene wariyari winyu, mwiirapihe ni mmware ikuwo cikina.

Nluku ahonlamulela Yakopi eeraka: Wunwe, urwee uPeteli ni wakhale wonwo ni wampankele ikhilompi Nluku ookhumelenle ukati wantthawa munnaa Isawu.

Vano waakhumaya nnepa awe, kontha aahala vakani ukhwa, ahonvaha mwana ule ncina na Penoni, nanso athumwane yahonvaha ncina na Pencamii.