Versículos bíblicos populares de Mphattuwelo 28

Partilhar

Phi mi kiri ni we. Kinawusunka mapuro othene ankelaa uvira, kinawuturusela tho ila ilapo ela, kontha akinhala wuuhiya mpaka kipankeke itthu yukhuluvelihilyaka.

Mwanene Nluku phaari ucuulu waya makwantta ni aheera: Mi ki Mwanene Nluku, Nluku a Aparahamu, athumwana, ni Nluku a Isaki. Yeela ilapo irupilyaa ila kinawuvaha we ni ucuulu aa.

Vano Yakopi wunwa wawe nkhoveni aheera: Khweli Mwanene Nluku ri nna nipuro nna. Mi akaacuwela.

Ni Yakopi ahomoopa natiri eeraka: Nluku akhalaka ni mi ni akisunkaka ila ikwaha ila, akivahaka iyolya, ni ikuwo coowara, ni kituruwelaka wo'salama uwani wa apaapa, Mwanene Nluku naahala ukhala Nluku aka. Ni nenna nluku neemesilyaka nna ninwa ukhala inupa ya Nluku ni cothene cinhalaa ukivaha, khweli kinawuvaha mphantte wonakhumi.

Ucuulu aa unhala ukhala toko ntthupi no vathi, ni unhala umwaryeela urwaaka unkhuma ncuwa mpaka unkela ncuwa, urwaaka uculu mpaka uhitto, ni mwa nlattu wawaa we ni ucuulu aa, unkophwanya iparakha unethi wothene wo mwiilaponi.

Phimaana ahovaha ncina nenno nipuro nno Peteli, nanso yeeyo iparasa eyo ncina naya nokhalayi neehaninya Lusi.