Versículos bíblicos populares de Génesis 9

Partilhar

Lela' u chíiculal le nup t'aan quin beetic ta wéetele'ex bey yéetel le ba'alche'ob u ti'al ja'abo'ob mina'an u xuul: Dzo'oc in dzáic in chéel te j múuyalo'obo', yaan u meyaj bey u chíiculal le nup t'aan quin beetic yéetel le lu'uma'.

Le quéen yanac le chéel ichil le múuyalo'obo', tene' bíin in wile, bíin xan ka'ajac teen le nup t'aan mina'an u xuul in beetmaj yéetel tuláacal wíinic yéetel, tuláacal ba'alche' yaan yóokolcaab.

Wa máax cu quíimsic jun túul wíinique', u láak wíinic bíin quíimsic xan. Tumen wíinique' beeta'ab chica'an ti' Ku.

Kue' tu qui' t'antaj Noé tac xan u paalal yéetel le t'aano'oba': Yanac te'ex ya'abcach a paalale'ex chupe'ex le lu'umo'.

Je'el u páajtal a jaantique'ex tuláacal le ba'alche'ob bey le áak xíiwo'ob a káate'exe'. Teen quin dzáic te'ex.

Tuláacal u ba'alche'ilo'ob yóokolcaabe' yaan u quiquilaanquilo'ob yéetel sajaquil ta táane'ex. Tuláacal le ba'alche'ob cu xiknalo'ob, le cu máano'ob yóok lu'um bey le caja'ano'ob ich ka'anabo', bíin ti'anaco'ob yáanal a páajtalile'exe'.

Ba'ale' te'exe', ¡yanac ya'ab a paalale'ex, chupe'ex yóokolcaab yéetelo'ob!