Versículos bíblicos populares de YOHANA 14

Partilhar

“Omulembe nikwo kwemuleshela. Emuhelesia omulembe kwanje. Shiekuhaananga shinga olwa eshialo shikuhaananga khubandu tawe. Mulahenda emioyo noho okhubeelela tawe, khandi mularie tawe.

Yesu namukalusia naboola ari, “Isie nisie injila, abwatoto khandi obulamu. Abulaho ounyala okhutsia khu Papa nalabiriire khwisie tawe.

Yesu yaboolela abeechibe ari, “Muleshe okhubeyabeya nende okhuhenda emioyo chienywe. Suubile mu Nyasaye khandi musuubile mwisie.

Omuhabini, ouli Roho Omutakatifu, owa Papa alaruma muliira lianje, alamwechesia amakhuwa koosi mana khandi alamwitsusia koosi akandamuboolela inywe.

“Omundu yesi yesi oufuchilila amalako kanje nakakhola, niye owaheela isie. Naye Papa wanje alaheela oyo owaheela isie, nasi siesi ndalamuheela owatsana oyo nindifwimbula khuye.”

Nasi ndalasaba Papa, naye alamuhelesia Omuhabini undi, oulabetsanga ninenywe buli lwosi. Niye Roho oufwimbulilanga abandu obwatoto bwa Nyasaye. Abomushialo shibanyala okhumwinjisia ta, okhuba shibanyala okhumulola kata okhumumanya tawe. Nebutswa inywe mwamumanya, okhuba amenyanga ninenywe khandi ali mwinywe.

Ne ndalakhola likhuwa liosi liosi eliamulasaba muliira lianje kho mbu, oluyali lwa Papa lulolesibwe okhubirira mu Omwana. Nimuba nimusaba eshindu shiosi shiosi muliira lianje, ndalashikhola.

“Nimuba nimuuheela, mulakhola kamalako kanje kenya.

Munzu mwa Papa wanje, mulimwo ebimenyo ebinji, okhuba enzitsanga okhumukaasilia habundu. Nikalakhabeele kario ta, shindakhamubooleele ako tawe.

Olwa ndakhabe nenziile, khandi nebakaasiliye eshimenyo, ndakhakalushe okhumwenda inywe kho mbu, mwesi mube aha endi.

Tomasi namureeba ari, “Omwami, shikhumanyile ewa otsitsanga tawe. Kho khwakhamanya khurie injila eyitsiayo?”