Versículos bíblicos populares de मरकुस 16

Partilhar

पजा ओर्कु इल्‍हा वेहतोर. “मिमेट होंचि दुनियाता अन्‍नि देसेल्‍कुना लोकुल्‍कुंक बेसता कबुर प्रचार कीम्‍टु.

नाकुन विस्वासम कियानोनगा इव चिन्‍हां मनंतां, ओर नावा पोरोलते देय्याल्कुन गेदमानुर, वेरे-वेरे बासाने वळ्कानुर, तरासकुन पियानुर, बदे विसम वस्तु उनिनागानि ओर्क बतल आयो, बिमार्क मत्‍तुरा पोर्रो ओरा कय्‍क इरते, ओर बेस आयानुर,” इंचि वेहतोर.

बोर अय्ते विस्वासम कीसि, बापतिस्मा एतंतोर ओनके मुक्‍ति दोर्कंता, गानि बोर अय्ते विस्वासम किय्योर, ओनकु पेन सिक्‍साता आदेस हिय्यार.

पजा येसुना सिस्युल्कु नालुं-मूलां होंचि अन्‍नि जेगाने ओना बारेमते प्रचार कीतुर. सामि ओरतोनि मंचेके कबळ कियुंदुर. कबळ कियनेंके जर्गना चिन्‍हाना हेंदाल सामि ओना पोल्‍ले निजम इंचि रुजुव कियुंदुर. आमेन.

ओर अवुन इल्‍हा इत्‍तोर. “वेरियमट, क्रुसुनपोर्रो वेलाड वाट्‍सि हव्‍कता, आ नासरेत नाटेना येसुन मिमेट पह्कसेक मंतिट, ओर इग्‍गे हिल्‍लोर, जीवाते तेदतोर. इद हुळाट, ओना पीनगु इरता जेगा.

अगा एवसि हूळते, अच्‍चोन पेद्‍दा बंडा गूळसि मत्‍तद अवुंक दिसता. अव बोंदाते होळियतस्‍के वरोर लेय्या मनकल तेल्‍लाटा कपडिं केर्सि तिना बाजुंक उदिद्‍स मत्‍तद हूळसि अव वेरियतां.