Versículos bíblicos populares de MATIU 10

Partilhar

Vunu i Jisas mo viti kwara, “Tulu rongo. Nu horakamu hoki na sivsivi vaki mana kwiriu ovi maira. Tulu tagahuri ne karea hoki na ngwata, vae tulu loli tabetabeki hoki na ngwaki.

Ihe hi u domidomi haburu huri na mamaurianana ne vakasalakinia, vae ihe hinea ne tiraki na mamaurianana huriau ne lavi na ahiana.”

Tulu hatu mataku kinira hinea rana kwohi matei na tarabehi, vae ranahe kwohi lavi na tanungwe tea, vae tulu mataku ki God, hinea ne vai lai ne magaraki na tarabehi mana tanungwe lolo kabu na kakadiki.

Ihe hi he kwali na kaibetuna tea kwara ne huri na tanoi-garugu, he taritarisa tea kwara ne kwareki nogu tangaloi.

Vunu i Jisas mo viti kwara, “Ihe tea hinea rau viti matangwasarakiau lolo nako na tangaloi kwara aira a nogu, na vai kwehini vake hurira koro na nako i Tamagu lolo taetae. Vae ihe tea hinea rau viti tivarea lolo nako na tangaloi kwara aira hete nogu, i nau na viti tivarea vake kwara aira hete nogu, koro na nako i Tamagu lolo taetae.”

Tulu vakahikinira hinea rau lenga, tulu rakatira hinea rau mate, tulu vai a tangaloi hinea a lengeana hati na vinu u vaira rana ngwasara, vake tulu livu letiuki na tanungwe hati maira. A huirana hi lumiu tulu he volia tea, vae tulu ne boloki kinia a tangaloi rana hatu volikamu huri.

Vae tulu hatu mataku. I kamu tulu karekarea sileti na manu rusa.”

I Jisas mo viti “Tulu hatu domi kwara nu vanamai kwara na bete na magemuana lakwa na tangaloi na varamana. Nohe vanamai tea kwara na bete na magemuana kehekeheki, vae nu vanamai vake kwara na vai na tangaloi rana makwahekwahe rana vai vuro.