Versículos bíblicos populares de JENESIS 21

Partilhar

Go Yehovah e umai punusi Sarah dakiusi waina e noa e, go Yehovah e mari paki Sarah dakiusi waina e pasa asa.

Go Sup̃e e dogo nadaleo ni natureai; go agelo ki Yehovah e pioso pae nakoroatelagi paki Hakar, po noa ki nia, e naga, Nasava e mari ko, Hakar? P̃a ta mataku mau; nalakena Sup̃e e po dogo nadaleo ni natureai tokora waina e doko asa. P̃a tuleana, po sike natureai, po silae a ki nam̃elearum̃a; nalakena aga wo mari a ega wo pei nalauna warua sikai.

Go Sarah e diena, po magi Abraham ragi waina e pei tea matua e maneana dape natuna naanoai sikai ragi tatutakiana waina Sup̃e e noa ki nia asa.

Go Sarah e noa, Sup̃e e po mari au a muru; tea mamau puti waina eu dogo e euga wo muru sikoti au.

Go Sup̃e e noa ki Abraham, e naga, Ega ta sa namatam̃a mau nalakena natureai, go nalakena tea suasua nagoroi anigo; tea mamau puti waina Sarah e noa ki‐go asa, p̃a rogo parati ki nadaleona asa; nalakena naworaworam̃a euga vei tea sosoana pae Isaak.

Go aga wo mari tea suasua nagoroi natuna naanoai ega wo pei nalauna, nalakena e pei natum̃a.