Versículos bíblicos populares de Luka 14

Partilhar

“Yoze meza kuli yami kahashile kubwa kambaji kami, nyi keshi kuvutwokela tato, ni naye, ni pwo lienyi, ni ana jenyi, ni ana akwo, ni mandumbu jenyi, chibwe ni we mwono wenyi.

Yoze keshi kumbata kulusu yenyi ni kungukaula kahashile kubwa kambaji kami.

Mumu mweswe malilemesa, Zambi makamulelesa, ni yoze malilelesa, Zambi neye makamulemesa.”

Yesu yawezaho ngwenyi: “Chimuwika nawa, niumwe wa kuli yenu mahasa kubwa kambaji kami shina mehuka yize yeswe ali nayo.”

Nyi umwe wa kuli yenu mazanga kutunga zuwo lisuku, hatangu matwama ni kwalula mbongo jingahi chatamba kubwa najo. Mba matala nyi mbongo jenyi jinazuku ha kumanununa milimo. Nyi kujazukile, kechi kuhasa kumanununa zuwo lisuku muze hasa kulu fundamentu, ni eswe waze maachimona maabutuka kumuseha, ngwo: ‘Mutu yono wabutukile kutunga, alioze kahashile kumanununa.’

Alioze muze muulinga chiteleka, lakenya yiswale, ni yitonji, ni yilema, ni tupuputa. Mba muukawaha, mumu keechi kuhasa kukuhilwishila yo. Zambi makakukundulula ha uhindukilo wa akwa ululi ku kufwa.”

“Mungwa Chuma chibema, alioze nyi hiwasamuka, neka mauyemesa nawa? Kuwatelele nichimwe, chibwe hashi, chibwe pinga, shina kuumwangina haze. Banjikenu kanawa, nyi nuli ni matwi!”