Versículos bíblicos populares de ỊJỌN 19

Partilhar

Ụka ká iJisọsị ye ivinigaa ọọwa lẹ, ọ ya dodehe yẹkẹẹ, “Ọ myị́ lẹ.” Ọọwa lẹ, ụka kọ hiri egbeju nyamwụ kpẹẹ lẹ, ọ chị ẹjẹ lẹlẹ.

Ịnyị, jaabwọ ká iJisọsị jẹ́ yẹkẹẹ, ang myị́ ang ọlẹ wuu kịị nyị ya dodehe chajị nya ọọwa lẹ, nyị họ jịra u-uhye nya ọọwa chị ọnụ lẹ, iJisọsị a ya ẹla ọlẹ dodehe, chajị ká ẹla oyaya nya Ụpwụ Ịgọgọ wuu chajị nyamwụ ka họ jịra lẹlẹ. Ọ ya ẹla ọọwa yẹkẹẹ, “Imyi-enyi juwa nwụm.”

Ụka ká iJisọsị chẹhị kaka yẹ ịnamwụ bala ọngọjụgbẹyị nyamwụ ọlẹ kọ họ́ọ lụmẹ lẹ, iJisọsị a byi ịnamwụ yẹkẹẹ, “Ayam, ọlẹng ọwẹ a ri ọnyị nyang lẹlẹ!” Ịnyị, iJisọsị a byi ọngọjụgbẹyị nyamwụ ọọwa yẹkẹẹ, “Ịnang a wẹ ịnyịnyị lẹlẹ!” Bwu ụka ọọwa kpangga, ọngọjụgbẹyị nya iJisọsị ọọwa a kpa ịnịna nya iJisọsị rụ ka ẹpwa nya ịlọmwụ, juwa kpẹhị rịrọọ ụ-ụwa lẹlẹ.

Ma, ụka kị pwụ ẹga nya iJisọsị lẹ, ị yẹ jaabwọ ká iJisọsị ayịdang gbu kpá ene-ene lẹlẹ. Ọọwa lẹ, ị mwụ ata nya iJisọsị eku kaka, lẹlẹ. Ma, ọlịsọja ọhẹ tị gu iJisọsị ụwangga ekilo nyamwụ hurum lẹ, ịwọ bala enyi a mwụ bwu ekilo nya iJisọsị kpehe lẹlẹ.

Chajị ang ịlẹ wuu họ u-uhye nya iJisọsị chajị nyọka ri ọ-họ jịra nya ẹla ọlẹ ká Ụpwụ Ịgọgọ ya ene-ene yẹkẹẹ, “Ị́ ka be ukpunogu nyamwụ ọhẹ-lọhẹ ene kpong-kpong ka.” Ụpwụ Ịgọgọ myịmyị ya ẹ-ẹga ọkịla yẹkẹẹ, “Angịnyị ehe ka juwa chẹhị kaka yẹ ọlẹng ọọwa ọlẹ kị gu ụwangga ekilo.”

Ịnyị, ịsọja ịịwa a hu olo nya agurube nya iJisọsị chwọọ e-egbeju lẹ, ị juwa kpọọ rụ kele lẹlẹ. Ị jẹ gbee kị pwụ ẹga ọlẹ kị wụrụ iGolugota la oja nya ala iHiburu, ká etu nyamwụ ri ogo nya egbeju.

Ịsọja ịlẹ kị wu iJisọsị, họ okpo nya ejwo-ejwo kụrụ iJisọsị e-egbeju. Ị hu awụrụ ọnyọmịla ogbileji kụrwọọ.