Versículos bíblicos populares de ỊJỌN 11

Partilhar

IJisọsị wẹ byoo yẹkẹẹ, “Am kpakpakpa a ri owuleji bwula igu ayịdang bala ọhịhị lẹ! Ọng myị́ ọng ọlẹ kọ myị lam lẹ, ó riri kọ gbugbu kpá, ọ ka myịmyị wuleji bwula igu, juwa la ọhịhị ọkịla. Ọng myị́ ọng ọlẹ kọ tị juwa hịhị, kọ myị lam lẹ aalẹ, ọngọọwa á ka gbu kpá ẹnẹnẹhẹ kaka. A myị la ẹlẹwẹ lẹ, ịMata?”

IJisọsị wẹ byoo yẹkẹẹ, “M tị́ bying yẹkẹẹ, ó ri ká ka myị-ị la ọmyịmyị lẹ aalẹ, a ka yẹ ụkụrwọ ẹbyẹbyị nya Ohe Oluhye lẹ?”

IJisọsị jida.

Ụka ká iJisọsị wo ẹla ọọwa, ọ yẹkẹẹ, “Ẹdụrụ nya ịLasarọsị ọwẹ á ri ẹdụrụ nya igu ka. Ma, o-ya dodehe nya ẹdụrụ ọọwa ka kpa ogbo ogwogwo kịla Ohe Oluhye. Ẹdụrụ ọọwa ka họ ká angịnyị ka juwa gwogbo ha Ọnyẹwẹ nya Ohe Oluhye ịnyịnyị.”

Ụka ká iJisọsị ya ịnyị kpá lẹ, ọ be ẹkọ wụrụ ịLasarọsị la omyi o-gboo yẹkẹẹ, “ịLasarọsị! Gba kpehe warị lẹẹlẹẹ mẹ!” Ịnyị, ogu ịLasarọsị ọọwa a wuleji bwula igu gba kpehe lịpwụ-lịpwụ ịlẹ kị ya rọọ a-abwọ bala ata nyamwụ wuu bala ịpwụ ịlẹ kị ya chị aba woo a-ahị nyamwụ wuu ịnyịnyị lẹlẹ. Ọọwa lẹ, iJisọsị a byi angịlẹ kị juwa ụ-ụwa yẹkẹẹ, “Anụ kele kaka yi ịpwụ ịwẹ hyoo kanụ tụ hyoo kọ rụ mẹ.” Ọọwa lẹ, ị họ ịnyị lẹlẹ.

Ụka ká iJisọsị myịmyị chị́ arụ ẹ-ẹpwụ nya olegu nyamwụ lẹ, ọ kele ka ẹga nya iworu nya ịLasarọsị lẹlẹ. Iworu ọọwa lala ụgbụ ọtụka-ọtụka. Ị ya ẹjwọ ọtụka ọhẹ tụ ọnụ nya ụgbẹyị nya iworu ọọwa ku.

Ụka ká iJisọsị ya ala ịwẹ kpá wuu lẹ, ọ myịmyị byaa yẹkẹẹ, “ịLasarọsị oligu nyahị lalẹẹ nune lẹ! Ma, m tị ka kele ka ụwa, chajị kam ka chọọ ahị-une, wuloo eji lẹ.”