Versículos bíblicos populares de KUZOYA 6

Partilhar

BWANA ukawawa na kusirimika ngolonyi angu oremuumbieghe mdamu na kummbika ndoenyi.

Nao BWANA ukaghuwona wuwiwi ghwa mdamu sa iji ghwakaia m'baa ndoenyi, na kula ighesho ja ngolonyi kwake ni wuwiwi mduu matuku ghose.

Ela Nuhu orerumirikieghe imbiri ya BWANA.

Ichi nicho kivalwa cha Nuhu. Nuhu orekoghe mundu wa hachi, usezughunukilwagha ni mndungi wa iro ngelo; nao orewadaneghe na Mlungu.

Kwa huwu ukaghamba, “Nichamuinja na mbai uhu mdamu neremuumbieghe, usoweke ndoenyi andwamweri na nyamandu, na iro riavuagha andoenyi, na nyonyi ra mbeonyi; angu nasirimika na ndighi kwa kukaia nerevibonyereghe.”

Nao ikakaia iji wadamu werezoeghe kuchurikia ndoenyi, na wana wa waka kuvalwa, wana wa Mlungu wikawiwona awo wai wa wadamu kukaia wighokie, nawo wikakusaghuya wai welowua sa iji koni werekundieghe. BWANA ukaghamba, “Roho yapo ndeichaaduanya na mdamu kwa kala, angu uo si odua, kwa huwo miaka yake ichakaia ighana na mirongo iwi.” Kufuma ngelo ija na konyuma, Wanefilimu werekoghe wikilowua wai wa wadamu, na kuva wana. Awo niwo wandu werekoghe mang'oni wikumikie matuku ghaja.

Nuhu ukabonya ghose orelaghiriloghe ni Mlungu.

Nao Mlungu ukamzera Nuhu, “Nachawona niwimeria wadamu wose, kwa kukaia wurumwengu ghose ghwachulwa ni wuwiwi ghwawo, nani nichawitoteshanya na ugho wurumwengu.

Kwa huwo kukubonyere kumoni safina kwa mbau ra mwingo, kudumbuo vumba andenyi, nao kuikande lami cha nandenyi, na cha shighadi wori.

Mlungu ukazighana nao ukawona seji wurumwengu ghunonekie, angu wandu wose werekoghe wikibonya mawiwi ndoenyi.

Wokoni kuviwadie viwi viwi va icho chose chiko na mumbi chiko moyo kuvingire safinenyi; kula kichuku cha womi na cha waka wori, vikaie moyo andwamweri na oho.