Versículos bíblicos populares de މަރުކުސް 13

Partilhar

ތިޔަބައިމީހުން އަހަރެންނަށް އީމާންވުމުން އެންމެހާ މީސްތަކުން ތިޔަބައިމީހުން ދެކެ ނަފްރަތު ކުރާނެ. ނަމަވެސް އީމާންތެރިކަމުގައި ފަހުވަގުތާ ހަމަޔަށް ތިޔަބައިމީހުން ދެމިތިބެއްޖެ ނަމަ، ތިޔަބައިމީހުންނަށް ސަލާމަތްތެރިކަން ލިބޭނެ.⁠“

މިކަންތައްތައް ހިނގާނެ ދުވަހާއި ވަގުތު ތިޔަބައިމީހުންނަށް ވެސް އެނގިގެންނުވޭ. އެހެންވީމާ، ސަމާލުވެ ތައްޔާރުގައި ތިބޭ!

ތިޔަބައިމީހުން ފަޅާއަރުވައި ކޯޓަށް ގެންދެވޭ ހިނދު ބުނާނެ އެއްޗަކާމެދު ފިކުރުބޮޑު ނުވޭ. އެއީ އެވަގުތު ކުރިމަތިވުމުން ތިޔަބައިމީހުންގެ ދުލަށް އަންނަ ބަސްތައް ބުނޭ. އެއީ އެބަސްތަކަކީ ތިޔަބައިމީހުންގެ ބަސްތަކެއް ނޫން. އެބަސްތައް އަންނާނީ މާތްރަސްކަލާނގެ މާތްރޫޙުފުޅުން.

އުޑާއި ބިން ނެތިގެން ދާނެ. އެކަމަކު އަހަރެންގެ ބަސްތައް ނެތިގެނެއް ނުދާނެ.⁠“

”⁠އެހެންނަމަވެސް މި ޙާދިސާތައް ހިނގާނެ ވަގުތާއި ދުވަސް އެއީ އެއްވެސް ފަރާތަކަށް އެނގިގެންވާ ކަންތައްތަކެއް ނޫން. އުޑުގައިވާ މަލާއިކަތުން ކަމުގައިވިއަސް ނޫނީ ދަރިކަލުން ކަމުގައިވިއަސްމެ. ހަމައެކަނި މިކަންތައްތައް ދެނެވޮޑިގެން ވަނީ މަތިވެރި ބައްޕާފުޅު.

އަދި ތިޔަބައިމީހުންނަށް ދުރާއި ގާތުން ހަނގުރާމަތަކުގެ އަޑުއިވޭނެ. ނަމަވެސް އެކަންތައްތަކާއިމެދު ބިރުވެތި ނުވާތި. މިފަދަ އެތައް ކަމެއް ހިނގަން ޖެހޭނެ. މިކަންތައް މިހެން ހިނގިއެއް ކަމަކު މިއަކީ އަދި އާޚިރު ނިމުމެއް ނޫން.

ވީމާ ހޭލާ ތިބޭ! ސަބަބަކީ ތިޔަބައިމީހުންނަށް ގޭގެ ވެރިފަރާތް އަންނާނެ ވަގުތެއް އެނގިގެންނުވާތީ. ހަވީރުކަމެއް، މެންދަމުގައި ކަމެއް. ފަތިހުގެ ހާ ގޮވުމާއި އެކުގައި ކަމެއް ނޫނީ ހެނދުނުގައި ކަމެއް ނޭނގޭނެ. ކުއްލިއަކަށް އޭނާ އަންނަހިނދު ތިޔަމީހުންނަށް ނިދިފައިވީ ތަން އޭނާއަށް ފެނުނަ ނުދީ. އަހަރެން ތިޔަބައިމީހުންނަށް މިބުނެދޭ ތަކެއްޗަކީ އެންމެންނަށް ބުނެދޭ ތަކެތި ކަމުގައި ބަލާ: އޭނާގެ އެނބުރި އައުމާމެދު ސަމާލުވޭތިބޭ!⁠“

އެއް ޤައުމު އަނެއް ޤައުމާއި ހަނގުރާމަކުރާނެ. އެއް ރަސްކަމުން އަނެއް ރަސްކަމަށް ޙަމަލާދޭނެ. ދުނިޔޭގެ އެކި ކަންކޮޅުތަކަށް ބިންހެލުންތައް ކުރިމަތިވުމުގެ އިތުރުން ތަދުމަޑުކަމާއި ކުރިމަތިލާނެ. މި ކަންތައްތަކަކީ ވިހޭގޭ ތެރޭގައި އަންހެނަކު އެންމެފުރަތަމަ އުފުލާނެ ގަދަފަދަ ވޭންވަރުފަދަ ކަމެއް.

ނަމަވެސް ފަހު ޒަމާން އައުމުގެ ކުރިން އެންމެހާ ޤައުމުތަކުގެ މެދުގައި ހެޔޮޚަބަރުފުޅުން ވަޢުޡު އިއްވާނެ.

އަހަރެންގެ ނަމުގައި އެތައް ބަޔަކު އަންނާނެ. އަދި ’⁠ތިމަންނާއީ މާތްރަސްކަލާނގެ ހޮއްވަވާފައި ފަރާތް⁠‘ ކަމުގައި ބުނެ ދަޢުވާކުރާނެ. އެފަދަ މީހުން އެތައްބަޔަކު މަގުފުރައްދާނެ.

ސަމާލުވޭ! ތިޔަބައިމީހުން ފަޅާއަރުވައި ކޯޓުތަކަށް ގެންދެވޭނެ. ދީނީ މަރުކަޒުތަކުގައި ތިޔަބައިމީހުންގެ ގައިގައި ހައްދު ޖެހޭނެ. އަހަންނާ ހެދި ތިޔަބައިމީހުން ގަވަރުނަރުންނާއި ރަސްރަސްކަލުންގެ ކުރިމައްޗަށް ގެންދެވޭނެ. އެއީ އެބައިމީހުންނަށް ދިންނެވުމުގެ އުފާވެރި ޚަބަރުގެ ހެއްކެއްގެ ގޮތުން.

ދޮގު މަސީޙުންނާއި ދޮގު ނަބީން ފެނިގެންދާނެ. އަދި އެމީހުން މުޢުޖިޒާތާއި އަލާމާތްތައް ދައްކައި މީސްތަކުން ޙައިރާންކުރުވައި އެމީހުންނަށް ވެގެންވަންޏާ މާތްރަސްކަލާނގެ ޚިޔާރު ކުރެއްވި މީހުން ވެސް މޮޔަހައްދަން އުޅޭނެ.

”⁠އެ މުސީބާތުގެ ދުވަސްތަކަށް ފަހު އިރުގެ އަލިކަންކެނޑި އަނދިރިވެ، ހަނދުން ހަނދުވަރު ލިބުން ނެތި، އުޑުން ތަރިތައް ފައިބާނެ. އަދި އުޑުގެ ބާރުތައް ހެލުންގަނޑަކުން ހެލިގެން ދާނެ.