Versículos bíblicos populares de Abosolo 2

Partilhar

Ani layagola Pidahanda ladai bialu lalu, Tí bibahende ko birimigonaga mini beregedalu Yasu Kerisonaga minini howa hangu hangu baboraya bilimu. Ani beramigola Ngode Datagaliwabehanda tígua ko birimigo domo wahalu tíhondo ibu Dinini ngulebira.

Tigua abosolo biarume mana lawai hayago hale halu Yasu aria hearu heba mandagi mini mbiraore howa biamogo bigibigi bialu tomo mandagi nalu Ngode Datagaliwabehondo bi laabo halu mandagi ngoai haga hene.

Ani biyagola Ngode Datagaliwabe Dinini ibugua tiha to̱lai hene. To̱lai howa wali agali dindi tara taranaga bi lagalaga bilo Dinini ibugua ti mo la hene.

Ani ngoai ho berearia puyabu hongo howa u e lagadagua hari daliga howa ibayuago hale hene. U e layuagome anda ti bereagoha laanda hai hene. Laanda hayagola mbirale ira hungu hegene ale ibuwa ti emboneni dolo ibira ibira biyago tini de hendene. Ani biyagola Ngode Datagaliwabe Dinini ibugua tiha to̱lai hene. To̱lai howa wali agali dindi tara taranaga bi lagalaga bilo Dinini ibugua ti mo la hene.

Horo bibahende ti Anduane Homogonaga andaha ngoai halu tinaga andaru pugupugu bialu bu mini hada howa turu halu tomo mandagi naga hene. Tigua Ngode Datagaliwabe mini yaraga halu heago hondowa wali agali bibahende hearume ti mana tigabiore bialu kagoni laga hene. Horo bibahende wali agali maru mini mbiraore wigi biyaru Anduane Homogohanda ti Yasu aria hearuha ho gimbu bigi bilene.

Ngode Datagaliwabehanda lalu, Ha maro bulene horo kaware haragola i̱na buleberogo ogo. I̱na i̱naga Dinini wali agali bibahendeha helolebero. Tínaga waneiginime i̱naga bi mana latagi halu holebira. Tínaga igiri daliaherume mbirale tara de gandeba hondolebira. Tínaga agali waherume emaga hondolebira.

Yasu mana yu tiga bu hearu bibahendeme mandagi mini mbiraore howa turu halu tinaga mbirale wiaru talebu migimigi bini. Dindibi mbirale taratara wiarubi tigua yolo mialu muni miyaru tinaga aria biamogo bulene wiadagua biamogo bigi bini.

Ani birangi Anduane Homogohondo, Pele ngi, lararume pele mulene yulebira, lalu, Ngode Datagaliwabehanda lene lalu Yoele ibugua bi ogoni lowinigo, Pidahanda lene.

Hari daligaha biabe tara tara nahendene ale hongohe i̱na mo bia halu dindihabi manane tara tara mo walia halu holebero. Anduane Homogonaga Horo timbuni gibi pongo bo winigo naibidaha darama ibunibi ira hungu hagua timbunibi heba hondoleberami. Ni hundialu egebi darama ale dolebirago hondoleberami.