Versículos bíblicos populares de Maliko 13

Partilhar

Avanu mbevali savavavipila nyenye, vakuvavala ilitawa lyangu. Neke yula yeyeavesaga akange mbaka pamudugo uyo yesaapokwa.

Mwikomalilage mwikale miho, pakuva simukiseli ikimunyi icho kilava panili.

Nawo pevavibete nyenye na ukuvasindika pawuhigilo, mulahwa kihosa chemulonga, pakuva samupelwa icha ukulonga na Umuhe Umwelu.

Ing'i na kuchanya safilutila, neke ing'ani sangu mbesili sisasilutila nangi.

“Neke ikimunyi na ikivalilo asukuli yeakisele; nambi vanyivaha ava kuchanya nambi Umwana; pesi Dada hela yeiyena.

Pesamwipulika ulwa amagalu na simwepo sa amagalu, mulakabuka. Pakuva iso sasusa, neke umudugo guva sigulafika.

Lino mwikalage miho, pakuva simukiseli ikimunyi icha umunyakaye cheasila; ukutigila yilava pamihye, pakilo, apamwinga yilava mukilo mwilangali, kangi apamwi munzogolo mwesivika, nambi pamilawu. Mwikalage miho alonga ase avatinukise afike mugonelye tulo. Na isi senguvalongela nyenye, ndilongela na avangi mbevali ukutigila: Mwikalage miho!”

Ing'i sayiwuka ukwihoma na ing'i yingi, na uwutwa ukwihoma na uwutwa uwungi; sakuva na ifitulo pono na pono, sakuva na ikinge. Iso mbesili gwemuvango gwa ukuteseka ndawe umung'inetu peakwivikula.

Neke pesilulava ulo. Ulukani Ulunofu sa ludalikwa tandi kuvanu mbevali.

Pakuva avanu wolofu savasa mwitawa lyangu, vitigila, ‘Nene ye nene!’ Nawo savavasanga wolofu.

“Nayi nyenye mwikomalilage inumbula senyu. Pakuva savavasindika nyenye pawuhigilo, na mumasinagogi sambi mutowe, samusindikwa ku vatema na avatwa sambi muhigwe pemwivalwa ilitawa lyangu, sambi muve wolelesi kwa avene.

Pakuva savawoneka wolofu vesavitigila vavene ve Kilisito va wudesi na avavisi va uwudesi nawo savapiga ifilagilo na uwuhulo, sambi vavayase wone luhwane na vavahagule.

“Neke ifilo ifyo, ukuguda pekulutye, ilisuva salipituka live lwisa, na gumwesi sisaguvala nangi. Na ing'eng'esi sasigwa uluhuma kwilanga, na ludali ulwa kuchanya nalo saluhogoleka.