Versículos bíblicos populares de Məco 6

Partilhar

Jɛ̀rɛ̀nà á ce Yi pyɛ̀lɛ̀ rɛ́ yò shɔ̀nɔ́ ǹdə́ rə̀ pùbùlə̀ né wɔ̀rhɔ́ yò zù ába, sʼá yẽ̌ bə̀ rə̀ mʼa pə ába tɛ̀bɛ́ rə̀ dàl mɔ́ rə súlí.

Á bə̀kʼá cĩ́ twə́lə́ á wẽ́ nəkɔl dɛ̃ rɛ́ yil yé. Nəkɔl dɛ̃ rɛ́ bʼa nyǐ rə̀ cìcì yò. Dɛ̃ gakó yò w yú ǹdə́ rə̀myɛ.”

“Wɔ́ rə̀myɛ́ yil à nʼâ wə̀l ába: á bə̀kʼá tə̀ kùjú kɔ̀bɔ́ á la jú, ǹdə́ gɔ̀nɔ̀ kɔ̀bɔ́ á la co yil, á zɛ̃̀ á nʼá cĩ́ á myə̂l lé zal twə́lə́ á wẽ́ yé. Lwarna bə̀ numbyíní myə̂l lé du kùjú; è yala nɛ́ du gɔ̀nɔ̀.

Sə è gə wɔ́ ǹmyɛ́ yilə, ǹ gə nə́ ǹ yâl ń ce Yi, sə́ zù ǹ sõ jìní wə, ń pyi ǹ nyí ni, ń shèè ń bə́ ce ǹ Da mɔ́ lyì yírhə́ wàr nə̀ nɛ mɔ́, sə ńmyɛ̌ mɔ̀bɔ́ ń nə kɔn dɛ̀bɛ́ rə̀ shèè mó mà n kwɛ̃̌ mɔ́.

“Ámyɛ̌ gə la Yi co, sʼá wɔ̀: ‘Nə́ Da ǹ ŋwɛ́nɛ́ Arəzana wa, ce lyì bí gakó lwar bə̀ ǹ bə dõ zhe yé, bə cèrhé ǹ yil lé. Ce ǹ pyɛ̀lɛ̀ rɛ́ yí lũ w wẽ́. Ce ǹ pùbùlə̀ né wɛ̀rhɛ́ cɛ yó ǹdə Arəzana w ta.

Pə nə́ba nə́ zà kùjú.

Pə nə́ba nə́ dwə́ə́ré sǔbri, ǹdə nə́myɛ gə́ nʼé pɛ byɛ̀bɛ́ bə̀ nʼê dwé nə́ba mó sǔbri ní.

Bə̀ká yẽ̌ nə́ba nə́ tu sòlò wẽ́ yé, sə́ zwẽ nə́ba lwɛlɛ cə́bal mɔ́ jɔ̃̀ wà. [Wɔ́ ǹmyɛ́ ǹ wɔ́ pyɔ̌, ǹ zhe jàn, ǹ mə̂ ǹdə́ còrhó, byinə nə̀ bə zhɔ̌ zhe yilə. Amɛ̀n!]’

“Á gə nʼá pɛ sǔbri á dwã bɛ́ nɛ, bə̀ gə gwar ába yi ní, á Da mɔ́ ń ŋwɛ́nɛ́ Arəzana w mɔ́ myɛ mà n pə ába á dwə́ə́ré sǔbri.

Á gə nʼá yâl, sʼá nyǐ kúmsí. Sə̀ tʼâ dwì twã́ yé; sə̀ tʼâ jə̀r jíjí sə̀ ce bòbwə̀rh w yé. E jà á Da mɔ́ ń ŋwɛ́nɛ́ Arəzana w mɔ́ nə́ ń kɔ̀n sɛ̀. Lwarna bʼâmyɛ̌ du sə̀myɛ́ dɛ̃´dɛ̃´.

“Á bə̀kʼá pyà nə̀cɛ̀ndɛ́ á cĩ́ cɛ yó yé. Á gə cĩ́ di cɛ yó, ŋwɔ̀là wɔ̌ bə̀ mʼa pwə́r á jìsí bə zù bə pwà rɛ̀, cɔ̃́ wɔ̌ ò jí ri, e jà rə̀ wɔ̌ rə̀ cɔ̀ myɛ. Pyâna á jɛ̃̀-kɔn dɛ́ á cĩ́ Arəzana wa, bə̀ ŋwɔ̀là tɛ̀nɛ́ gàà bə la jìrh pwə́r bə zù bə pwà rɛ̀ yé, cɔ̃́ myɛ tɛ̀nɛ́ ò la rɛ jú yé, e jà rə̀ wàr rə̀ la cɔ̌ myɛ yé. Ǹ jɛ̃̀-kɔn dɛ́ gə́ ŋwɛ́nɛ́ mə̀gã̌, wɔ́ gàà ǹ wu bùlə̀ né myɛ ŋwɛ́nɛ́.

“Lò mə̀dù wàr ǹ mʼâ tó yó-cìnə́ bə̀lyè pùbùlə̀ nè yé. Ǹ mʼâ súl mə̀dù yə́, ń swéné ń dõ mó, ráá ǹ mʼâ jòm ǹdə́ mə̀dù yə́, ń fulsi ń dõ mó. Á wàr á mʼâ nʼá tó Yi ni, á jʼâ nʼá tó sə̀byâ myɛ nɛ yé.

Byè yil á yə̀ Yi ni zhí? Yi nə gə nʼê kwɛrhɛ gɔ w ò ŋwɛ́nɛ́ zà, e jà nəkɔl ǹdə́ ò jú myǐn mú èta, rə̀ tʼâ la ámyɛ̌ kɔrhɔ dwini òmyɛ́ dɛ̃´dɛ̃´?

Ǹ gə la nə̀mɔ̀ nɛ̀ sãɔ̃, sə ǹ jə̀gwã̀ y bə̀kʼa lwar kɔn dɛ́ dɛ̀bɛ́ ǹ jə̀jĩ́ y nʼê wɛ̀rhɛ́ mɔ́ yé, mùnì e yə̀ shéé ǹ shèè ń sɛ̃ mɔ; sə ǹ Da mɔ́ ń nə kɔn dɛ̀bɛ́ rə̀ shèè mó mà n kwɛ̃̌ mɔ́.

Yezu zɛ̃̀ n súlí n wɔ̀ bɛ: “Dɛ̃̌na á cìnə̀. Á gə la kɔn wɔ̀rhɔ́ Yi yilə, sʼá bə̀kʼá wɛ̀rhɛ́ rɛ mùnì ga lyì bí bʼe nə ába yil yé. Á gə wɛ̀rhɛ́ èta, á tʼá la kwândɛ nɔ á Da mɔ́ ń ŋwɛ́nɛ́ Arəzana w mɔ́ sõ yé.

“Á gə lyẽ á nyí, sʼá bə̀kʼá pɔn á yə́rh ǹdə myìnù cìnə́ bé ta yé. Bə̀ nʼê pɔn bə̀ yə́rh mùnì lyì bí lwar bə̀ bə̀ lyẽ bə̀ nyí. Zhə̀nà, à nʼâ wə̀l ába: bə̀ nɔ rə̀ kwândɛ. Ǹ gə lyẽ ǹ nyí, sə́ pùl ǹ yé, ń tùr nwə̃̌, mùnì ga lyì bí bə̀kʼa lwar bə̀ ǹ lyẽ ǹ nyí yé, sʼe yə̀ ǹ Da mɔ́ numbyínsi yírhə́ wàr nə̀ nɛ mɔ́ ń yě. Ńmyɛ̌ mɔ̀bɔ́ ń nə kɔn dɛ̀bɛ́ rə̀ shèè mó mà n kwɛ̃̌ mɔ́.