Versículos bíblicos populares de Génesis 3

Partilhar

Jayawe kuña umae yawe ɨwɨra ía re, uecha maepöra jare ikawi echa jou waerä. Jare uecha wi ipuere umee chupe arakuaa. Jayawe ueki ɨwɨra ía jare jou. Umee wi ime pe, jare jae jou wi.

Mboi iyarakuaa katuete opaete ïru mbaemɨmba reta Tumpa ikoño mái wae uyapo wae wi. Jare mboi upɨrandu kuña pe: “¿Añetete yerá Tumpa jei pewe awɨye peu waerä pëti awe ɨwɨra reta ía kua mbaewɨyerenda pewa?” jei chupe.

Jare ayapota nde jare kuña piyembowaicho waerä, jare jae iñemoñaa jare nde niñemoñaa wi. Jokua kuña iñemoñaa uyapasota näka, jare nde nembɨpereta ipɨtäsa pe,” jei Tumpa mboi pe.

Jare Tumpa jei kuña pe: “Kua wiwe jasɨta ndewe ndepurúa neï yawe, jare amɨïru yeta ndewe nemembɨrasɨ neï yawe. Jare ndipotata tëi nenoi mbaepuere neme re, erëi neme onoita mbaepuere nderé,” jei chupe.

Jeta ndepireita, echa’ä ndeparawɨkɨta ko täta ime waerä nderembiurä nemano rewa jare nderete oo ye rewa uyea ɨwɨ ndiwe. Ɨwɨkuí wi ayapo nderete, jare ɨwɨkuí ko nde, jare ɨwɨkuirä ndeo yeta,” jei Tumpa Adán pe.

Jare Tumpa jei Adán pe: “Nembireko jei wae ndiyapo ramo, jare ndeu jokua ɨwɨra ía che jae ndewe awɨyeta tëi ndeu wae ramo, añawe ayepɨpeyuta ɨwɨ re ndereko pewa,” jei. “Añawe wiwe jeta yembɨawái rewe ndeparawɨkɨta ime waerä nderembiurä nderekowe opa rewa.

Jayawe Tumpa upɨrandu chupe: “¿Kía pa jei ndewe nenani neï wae? ¿Ndeu pa jokua ɨwɨra ía che jae ndewe awɨyeta tëi ndeu wae?” jei.

Jare omoë ma yawe kuimbae mbaewɨyerenda wi, Tumpa oñono araɨwa reta, kerubín jei chupe reta wae, mbaewɨyerenda warasɨ oë wae kotɨ. Jare oñono wi kɨsepuku jendɨ wae uyembɨwawa oï awɨye waerä kiawe oya ɨwɨra ía tekowe umee wae re.

Adán umbɨjee jembireko Eva, echa’ä jae ko opaete wae reta iyɨpɨ ramo.