Versículos bíblicos populares de Jɛnesis 21

Partilhar

Eebraham nɛ mbe eche wɔtɔ loŋ nɛ Enyɛnpe na ba buu Sɛɛra wulo so fanɛ kananɛ e daŋ nase kɔnɔ fanɛ e beeŋ wora na.

Ndoŋ nna nɛ Ebɔrɛ nu kebia na be kushu na nɛ Ebɔrɛ be malaika shi ebɔrɛso n tre Heega m bishi mo le: “Heega, manɛ nna? Sa maa lɔ kufu. Ebɔrɛ nu kebia na be kushu ashi kakpa nɛ e dese na. Koso n ya pɛ kebia na be enɔ to m maŋ mo so. Meeŋ shin nɛ e ki efuligboŋ ko so ebi be kumuwura.”

Saŋɛ nɛ Ebɔrɛ daŋ nase kɔnɔ fanɛ Sɛɛra beeŋ kurge na ka fo nɛ Ebɔrɛ shin nɛ Sɛɛra di kedampo ŋ kurge ebinyɛn n sa Eebraham mbe mbel be jemanɛ to.

Sɛɛra ka kurge kebia na nɛ e kaŋɛ le: “Ebɔrɛ sa ma kagbenefuli nɛ emushe. Ekama malɛ nɛ e nu ma kakurge be asheŋ be kagbene beeŋ fuli nɛ e tu ma m mushe.”

Ndoŋ nna nɛ Ebɔrɛ kaŋɛ Eebraham le: “Sa maŋ shin nɛ fo kagbene e jija fo ga ŋkpal fo kenyache na nɛ mbe kebia so. Wora kusɔ kama nɛ Sɛɛra kaŋɛ fanɛ fo wora, ŋkpal manɛ so, Aizek so nɛ fo kanaŋ to ebi beeŋ nya ketre.

Ama meeŋ shin nɛ fo kenyache be kebia ere gba e ki efuli ko be kumuwura ŋkpal mo alɛ gba ka shi fo to so.”