Versículos bíblicos populares de Chivkeeb 22

Partilhar

Anplahaas txhaj tis npe rua qhov chaw ntawm hu ua, “Tug TSWV npaaj tseg.” Hab txawm yog naj nub nwgnuav los tuabneeg tseem pheej hu has tas, “Sau tug TSWV lub roob kws nwg npaaj tseg.”

Vaajtswv has tas, “Koj ca le coj koj tuab leeg tub Ixaj kws koj hlub tshaaj plawg, moog rua peg tebchaws Mauliyas. Koj ca le muab nwg tua hlawv fij pub rua kuv sau lub roob kws kuv yuav qha rua koj.”

Tug timtswv has tas, “Tsi xob tua tug mivtub ko hab tsi xob ua le caag rua nwg hlo le, nwgnuav kuv paub has tas koj yeej noog lug hab fwm Vaajtswv heev, rua qhov koj tsi khauvxwm koj tuab leeg tub, koj zoo sab hlo coj tuaj pub rua kuv.”

Anplahaas teb has tas, “Vaajtswv yuav muab ib tug mivnyuas yaaj rua wb.” Ces obtug ob txiv tub txawm ua ke taug kev moog lawm.

Kuv txhaj coglug tseg rua koj has tas, kuv yuav pub koj muaj xeebntxwv coob npaum le tej nubqub sau nruab ntug, lossis npaum le tej xuabzeb nraag ntug havtxwv. Koj cov xeebntxwv yuav ntaus yeej puab cov yeebncuab. Hab kuv yuav foom koob moov ntawm koj cov xeebntxwv moog rua txhua tsaav tuabneeg kws nyob huv qaab ntuj nuav, vim koj noog kuv lug.”

Tau ib ntus tom qaab nuav Vaajtswv txawm sim Anplahaas sab. Vaajtswv hu Anplahaas has tas, “Anplahaas!” Anplahaas teb has tas, “Kuv nyob ntawm nuav.”

Taamsim ntawd tug TSWV tug timtswv hu tawg ntho sau ntuj tuaj rua Anplahaas has tas, “Anplahaas, Anplahaas!” Anplahaas teb has tas, “Kuv nyob ntawm nuav.”

Tug TSWV tug timtswv rov hu sau ntuj tuaj rua Anplahaas dlua zag ob has tas, “Kuv coglug lug ntawm kuv lub npe, kuv yuav foom koob moov nplua mag rua koj, tug TSWV yog tug has le nuav. Rua qhov koj tau ua lawv le kuv has hab koj tsi khauvxwm koj tuab leeg tub kws koj muab fij rua kuv.

Thaus obtug moog txug ntawm qhov chaw kws Vaajtswv qha rua Anplahaas lawm, Anplahaas txhaj teeb tau ib lub thaaj hab muab tawg tso rua sau lub thaaj ntawd. Nwg txhaj muab nwg tug tub paav hab coj moog tso rua sau cov tawg, sau lub thaaj.