Versículos bíblicos populares de San Mateo 11

Partilhar

Yo̱o̱ ka̱ nduuꞌ ndoꞌó, ne̱ xa̱ ni̱ xa̱vi va̱ xachuunꞌ, te̱ ni̱ xa̱vi va̱ tu̱ ndo̱ꞌ xiinꞌ ña̱ ndisoꞌ ndo̱ꞌ ndii, ni̱a̱ꞌa̱ ndo̱ꞌ nuu̱ꞌ i̱ te̱ ta̱xi̱ i̱ na̱ndiee̱ꞌ ndo̱ꞌ.

Na̱ti̱i̱n ndo̱ꞌ chu̱u̱n ña̱ taxiꞌ yuꞌu̱ sa̱a̱ ndo̱ꞌ te̱ ku̱ndu̱u̱ a̱ nde̱e̱ naa yokoꞌ, tunꞌ kanuꞌ siki̱ꞌ toro nuu̱ꞌ ndo̱ꞌ, te̱ ku̱ni̱ ndo̱ꞌ ku̱u̱ ndo̱ꞌ nde̱e̱ naa yuꞌu̱, ña̱ i̱i̱n te̱ va̱ꞌa̱ nimá nduuꞌ i̱, te̱ maso tu̱ i̱, te̱ ta̱xi̱ i̱ na̱ndiee̱ꞌ nimá ndo̱ꞌ.

Ni̱a̱ꞌa̱ ndo̱ꞌ, sa̱kanꞌ ña̱ chu̱u̱n nuu̱ꞌ yuꞌu̱ ndii, süu̱ꞌ chu̱u̱n vie̱ nduuꞌ a̱, te̱ vi̱ta tu̱ ña̱ ndisoꞌ i̱ ―ni̱ kachi̱ Jesús.

Te̱ ni̱ kaꞌa̱n Jesús xiinꞌ ne̱ yivi̱ꞌ, ne̱ itaꞌ i̱kanꞌ ndii: ―Ni̱ sa̱na̱kuaꞌa yu̱vaꞌ i̱ sa̱kuuꞌ ña̱ yoo nda̱ꞌaꞌ i̱. Te̱ ndee i̱i̱n kö̱o̱ꞌ xiní yo̱o̱ nduuꞌ yuꞌu̱, ña̱ nduuꞌ siꞌe̱ Ndiosí. Süu̱ꞌ ja̱a̱nꞌ ndii, yu̱vaꞌ i̱ ja̱a̱nꞌ kui̱ti̱ꞌ xiní yo̱o̱ nduuꞌ i̱. Te̱ ndee i̱i̱n kö̱o̱ꞌ xiní yo̱o̱ nduuꞌ yu̱vaꞌ i̱ ja̱a̱nꞌ. Süu̱ꞌ ja̱a̱nꞌ ndii yuꞌu̱, ña̱ nduuꞌ siꞌe̱ a̱ kui̱ti̱ꞌ, xiní ña̱ꞌaꞌ xiinꞌ ne̱ kuní yuꞌu̱ niaꞌa̱ ña̱ꞌaꞌ i̱ nuu̱ꞌ.

Sa̱kanꞌ te̱ ni̱ kaꞌa̱n Jesús xiinꞌ te̱ ja̱a̱nꞌ ndii: ―Kuaꞌan te̱ kaꞌa̱n ndo̱ꞌ xiinꞌ Juan ña̱ xini so̱ꞌo̱ ndo̱ꞌ xiinꞌ ña̱ xini ndu̱chiꞌ nuu̱ꞌ ndo̱ꞌ, ña̱ ne̱ kuiꞌe nuu̱ꞌ ndii, nuniáꞌ ndu̱chiꞌ nuu̱ꞌ ni̱a̱, ne̱ kuiꞌe xaꞌa̱ꞌ ndii, nakakaꞌ ni̱a̱, ne̱ kumiꞌ kuiꞌe̱ teꞌi ndii, ndaꞌa ni̱a̱, ne̱ soꞌoꞌ ndii, nuniáꞌ so̱ꞌo̱ ni̱a̱, ne̱ ni̱ xiꞌi̱ ndii, natiaku ni̱a̱, te̱ ne̱ ndaꞌvi kuuꞌ ndii, kaꞌán ndo̱so̱ꞌ i̱ tu̱ꞌu̱n va̱ꞌa̱ nuu̱ꞌ ni̱a̱.

Naaꞌ yoo so̱ꞌo̱ ndo̱ꞌ ndii, chu̱u̱n xaꞌaꞌ va̱ ndo̱ꞌ ña̱ ni̱ kaꞌa̱n i̱ xiinꞌ ndo̱ꞌ.