Versículos bíblicos populares de San Marcos 7

Partilhar

Iga yej kichijtoꞌ yej aye̱kti, ijkó̱n kejla̱ntoꞌ ipan iya̱lmaj; onoꞌ yej na̱miktitoꞌ yej yawi wa̱n seꞌ, sekin masij áyapa mona̱miktiáj, sekin tamiktiá, onoꞌ yej tachteki, onoꞌ yej kineki makipiá yej ayéj itatki, onoꞌ yej ayá̱ꞌ ye̱ꞌnemi, onoꞌ yej takajkaya̱wa, yej pox tae̱le̱wiá malej iga na̱miktítoꞌya, onoꞌ yej ta‑i̱xita iga kipiasneki tejté̱, yej tapo̱powa, yej moweyimati, iwá̱n yej xejxe̱toꞌnemij. Nochi ini̱mej yej aye̱kti yej se̱ kichi̱wa, inó̱n ki̱sa ipan iya̱lmaj iwá̱n inó̱n kichi̱was iga Dios ayoꞌ kiye̱ꞌitas.

Nité̱ yej agaj kikua kichi̱wiliá iga Dios ayoꞌ makiye̱ꞌita. Eꞌ yej se̱ kichi̱wa yej aye̱kti, inó̱n sí Dios ayá̱ꞌ kiye̱ꞌita.

Jesús kijtoj: —Amejeme̱n yej anmopajpantiáj iga anye̱ꞌnemij, ómpaya ken kijtoj el profeta Isaías de amejeme̱n, ijkuilijtoꞌ: Iga amoté̱mejsan anne̱weyimati̱ltiáj, eꞌ má̱j ipan amoa̱lmajmej ni alí̱n nokta ayá̱ꞌ anneejla̱mikij.

Ígasan anne̱weyimati̱ltiáj, iga antane̱xtiliáj ken ta̱gaꞌ tatekimaka iwá̱n tane̱xtiliá.

Ankikajtejkej ken tatekimaka Dios, iga ankichi̱waj ken tatekimaka ta̱gaꞌ: ken iga tapajpa̱kalo iwá̱n ankichi̱waj miajmiáꞌ yej áchisan ijijkó̱n.