Versículos bíblicos populares de Яратылыш 25

Partilhar

Раббы аңа әйтте: «Карыныңда синең ике кавем җаны бар, синнән аерым ике халык туачак. Берсе икенчесеннән көчле булачак, өлкәне кечесенә хезмәт итәчәк».

Ягъкубка: – Миңа шул кызылдан, шул кызыл аштан бераз салып бир әле, бик ачыктым, – диде ул. (Шул сүздән Эсауга Эдом дигән кушамат тагылды.)

Рәбика кысыр булганлыктан, Исхак, үз хатынының сихәтләнүе өчен, Раббыга догалар багышлады. Раббы, аның догасын ишетеп, хатынны сихәтләндерде, һәм Рәбика балага узды.

– Аһ, үләм! Беренче булып туу хокукының миңа ни хаҗәте бар?! – диде Эсау. – Алайса, сатам, дип, хәзер үк минем алда ант ит, – диде Ягъкуб. Эсау ант итте һәм үзенең беренче булып туу хокукын шулай Ягъкубка сатып җибәрде.

Аннан соң игезәкнең карындаш икенчесе дөньяга килде. Анысы кулы белән Эсауның тәпиенә ябышып чыккан иде. Шуңа күрә аңа Ягъкуб дип исем куштылар. Игезәк балалары туганда, Исхакка алтмыш яшь тулган иде.

Исхак Эсауны яратарак төште, чөнки Эсауның аудан алып кайткан кош итләре бик тәмле була иде. Рәбика исә Ягъкубны якынрак күрде.