Versículos bíblicos populares de Luk 23

Partilhar

Yesu ŵatite, “Atati, mwakululucile ŵanduŵa, ligongo ngakumanyilila yakutenda.” Jemanjajo ŵagaŵene yakuwala yakwe pakulondola cisango.

Yesu ŵajanjile kuti, “Kusyene ngumsalila kuti, lelope jino m'mwejo timkaŵe ni une ku malo ga lukondwa.”

Ni jwatite kwa Yesu kuti, “Akangumbucile pitakajinjile mu Ucimwene wawo.”

Yesu ŵagumisile mnope acitiji, “Atati ngupeleka umi wangu m'myala mwenu.” Piŵamasile kuŵeceta gele maloŵega Yesu ŵawile.

Piŵayice pa malo gakolanjidwa “Cikalakasa ca mtwe,” ŵamkomele Yesu pa msalaba. Ŵakomele soni ŵaciswamba ŵala pa misalaba jine, jwine mbali ja ku mkono wamlyo, jwine mbali ja ku mkono wa mciji wa Yesu.

Ndaŵi pijakwanile 12 koloko ja musi, cipi cayice pa cilambo cosope, pakuti lyuŵa lyalesile kuŵala mpaka ndaŵi ja 3 koloko. Nguwo jakuciga ja m'Nyumba ja Ambuje japapwice pacilikati.

Jwamkulungwa jwa asilikali piŵayiweni yiyatendekweyo ŵamlumbile mnope Mlungu acitiji kuti, “Kusyene, munduju jwaliji jwakulungama.”