Versículos bíblicos populares de Luk tokbaut Zizas 12

Partilhar

So yupla i mas redi, bikoz yupla no sabe wattaim ai da Truwan blo Man go kam.’

Ip yupla pole da wei blo God ane soe em dat em God blo ebriting wea laip blo yupla, den em go gibe yupla ebriting yupla nidem.

Den em bin spik po ebribodi de, ‘Yupla mas lugaut nau prom olkain gridiwei. Em ken kese yupla ane yupla go wande mo ane mo samting. Nomata yupla gad plenti samting, i nogo meke laip blo yupla gud.’

‘Yupla sabe. Wea ol dem prapa gudsamting blo yupla i stap, at blo yupla i go stap de tu. Ip demting blo yupla, i ya wea ert, ol stila i ken stilem ane ol rat ane kakros i ken spoilem. Bat ip yupla sele ebriting wanem yupla gad ane gibem po ol dempla uda nogad, wen yupla go po eben, yupla go gede spesil samting wea i kan pinis.’

I nugud wen yupla wori. Yupla tingk wori go meke laip blo yupla molong? Nono!

Zizas bin spik po klostuman blo em, ‘Ai spik yupla. Yupla no wori po wanem yupla go kaikai o wanem yupla go werem. I nugud yupla tumas woribaut laip blo yupla.

Yupla no prait, bikoz prant wea God, yupla prapa mobeta den dem pizin. God em prapa sabe aumas eya yupla i gad wea ed blo yupla.

‘Yupla no prait. Yupla mata lelbet pipol ya uda i pole ubi blo God. Em i God blo yupla ane em prapa api po teke yupla go po da niuples wea em go ruloba yupla.

Yupla luk ol pizin. Ol no sabe plante sid o broke dem sid wen dem sid i raip. Dempla nogad no aus po kipe kaikai. God gibe dempla kaikai. Yupla mo impotant den dem pizin.

‘Yupla no woribaut wanem yupla go kaikai ane dringk. Yupla no woribaut eniting.

Dem plant gro eniwea. Tidei, plaua i prapa plas, tumoro i ded ane man bane den plaua wea paia. Ip God ken mekem diskain po dem plaua, aumas mo em go wande gibe yupla ol gudsamting, yupla uda gad lelbet bilib.

Yupla kan aide nating. Ol dem sikret go kamaut ane ebribodi go paindaut bikoz God go soe ebriting.