Versículos bíblicos populares de Mateu 24

Partilhar

Na kuinjipa kwa uipi, kufunana kwa anthu azinji kunacepa. Mbwenye ule anapirira mpaka pa kumalisa, anapulumuswa.

Na tenepo, Mphangwa Zadidi izi za Umambo wa Mulungu zinamwazwa pa dziko yonsene ya pantsi, toera zikhale ninga umboni kuna mbumba yonsene. Buluka penepo, inafika ntsiku ya kumalisa.”

Imwe munadza kabva mbapilongwa pya nkhondo na mabvabva a nkhondo. Pilang'aneni, mbwenye lekani kugopa tayu, thangwi pisafunika kuti picitike tenepo, mbwenye si kumala kwa pinthu tayu.

Thangwi dziko na dziko inadza kamenyana, pontho umambo na umambo unadza kamenyana. Kunaoneka njala na piteke-teke mu mbuto zizinji. Mbwenye pyonsene ipi ndi kutoma kwa nyatwa.

Kudzulu na pantsi panamala, mbwenye mafala anga nkhabe kudza kamala.

Thangwi azinji anati abwere na dzina yanga mbalonga kuti: ‘Ine ndine Kirixtu,’ pontho anati anyengeze anthu azinji.

“Na tenepo, imwe munadza kaoneswa nyatwa, mbamuphiwa. Munadza kaidiwa na anthu onsene na thangwi ya dzina yanga. Pa n'dzidzi unowu anthu azinji anadza kasiya kutawira Mulungu. Pontho mbadza kasandukirana na kuzondana m'bodzi na m'bodzi. Na tenepo, anadza kabulukira maporofeta azinji a uthambi mbanyengerera anthu azinji.

Yezu aatawira tenepa: “Cenjerani! Lekani kunyengezwa na munthu.

Na thangwi eneyo, imwe khalanimbo akusasanyira. Thangwi n'dzidzi unakhonda imwe kudikhira, ndiwo unadza kafika Ine, Mwana wa Munthu.”

Na tenepo, lang'anirani, thangwi imwe nkhabe kuidziwa ntsiku ya kubwera kwa Mbuya wanu.

“Mbwenye pya thangwi ya ntsiku eneyo na n'dzidzi nkhabe munthu anapidziwa. Izo anju za kudzulu, peno Ine Mwana wa Munthu, nkhabe kupidziwa. Anapidziwa ndi Baba ekha basi.

Thangwi anadza kabulukira akirixtu a uthambi na maporofeta a uthambi, kuti anadza kacita pirengo pikulu na pinthu pyakudzumisa, toera pingakwanisika, anyengeze na ale ene anyakusankhulwa a Mulungu.

Thangwi ninga pidacitika pa ntsiku za Nowa, pinacitikambo sawa-sawa pakubwera kwa Ine, Mwana wa Munthu. Thangwi madzi makulu mbadzati kudzala, anthu akhadya, akhamwa, amuna akhacita mabanja, akazi akhaperekwa m'mabanja, mpaka ntsiku idapita Nowa mu arika. Pontho, onsene amala kufa na madzi, thangwi nkhabe cinthu cikhadziwa iwo. Tenepa, Ine Mwana wa Munthu ndingabwera, pinacitikambo sawa-sawa.