Versículos bíblicos populares de Kĩambĩrĩria 25

Partilhar

MWATHANI akĩmwĩra atĩrĩ, “Thĩinĩ waku wĩ na ndũũrĩrĩ igĩrĩ; ũgũciara andũ a mĩhĩrĩga ĩĩrĩ megũtũũra mang'eng'anaga. Ũmwe nĩagaakorwo e na hinya gũkĩra ũcio ũngĩ, na ũrĩa mũkũrũ nĩagaatungatĩra ũrĩa mũnyiinyi.”

Agĩkĩĩra Jakubu atĩrĩ, “Tareke nũme irio icio ciaku nduune ũguo, tondũ ndĩ mũhũũtu.” (Nĩkĩo gĩatũmire eetwo Edomu.)

Rebeka aarĩ thaata, na kwoguo Isaaka akĩmũhoera. Naake MWATHANI akĩigua mahooya maake, Rebeka akĩgĩa nda.

Naake Esau akiuga atĩrĩ, “Rĩu na ndĩ hakuhĩ gũkua-rĩ, ũrigithaathi ũcio ũngĩng'una na kĩ?” Jakubu akĩmũcookeria atĩrĩ, “Amba wĩhĩte atĩ nĩũkũnyenderia ũrigithaathi waku.” Esau nĩehĩtire, agĩkĩenderia Jakubu ũrigithaathi wake.

Nako ga keerĩ gaaciarirwo kenyiitĩrĩire thũng'wainĩ ya Esau, nako gagĩgĩĩtwo Jakubu. Magĩciarwo Isaaka aarĩ wa mĩaka mĩrongo ĩtandatũ.

Isaaka nĩendeete Esau, amu nĩakenagio nĩkũrĩa nyama cia nyamũ iria Esau aagwĩmaga, no Rebeka eendeete Jakubu.